బిగ్బాస్ బిగ్ ట్విస్ట్.. సభ్యులకు షాక్తో కూడిన సర్ప్రైజ్ ?
సారాంశం
ఈ వారం అవినాస్, అరియానా, అఖిల్, మోనాల్ నామినేట్ అయ్యారు. అందులో అవినాష్కి ఎవిక్షన్ ఫ్రీ పాస్ గెలుచుకున్నాడు. దీని ప్రకారం రెండు వారాల్లో ఓ వారం తాను సేవ్ చేసుకునే అవకాశం ఉంది.
బిగ్బాస్ నాల్గో సీజన్లో బిగ్బాస్ ఇప్పటికే పలు ట్విస్ట్ లు ఇస్తూ వస్తున్నారు. మొదట్లో హారికని ఎలిమినేట్ అని చెప్పి మళ్ళీ నో చెప్పాడు.. ఆ తర్వాత అమ్మా రాజశేఖర్ విషయంలోనూ ఎలిమినేట్ అని చెప్పి, ఆ వారం ఎలిమినేషన్ లేదని పెద్ద ట్విస్ట్ ఇచ్చాడు. రెండు వారాల క్రితం హౌజ్లోకి సుమ కంటెస్టెంట్గా రాబోతుందని చెప్పి బిగ్ ట్విస్ట్ ఇచ్చాడు. ఈ వారం మరో ట్విస్ట్ ఇవ్వబోతున్నాడట బిగ్బాస్.
ఈ వారం అవినాస్, అరియానా, అఖిల్, మోనాల్ నామినేట్ అయ్యారు. అందులో అవినాష్కి ఎవిక్షన్ ఫ్రీ పాస్ గెలుచుకున్నాడు. దీని ప్రకారం రెండు వారాల్లో ఓ వారం తాను సేవ్ చేసుకునే అవకాశం ఉంది. ఇదిలా ఉంటే ఈ వారం అసలు ఎలిమినేషన్ ఉండదనే వార్తలు సోషల్ మీడియాలో చక్కర్లు కొడుతున్నారు. ప్రస్తుతం ఇంట్లో ఏడుగురు సభ్యులున్నారు. ఈ వారం ఎలిమినేషన్ చేయకుండా, 13వ వారం, 14వ వారం ఎలిమినేట్ చేయాలని భావిస్తున్నారట.
ఫైనల్కి ఐదుగురు వెళ్తారు. మిగిలిన ఇద్దరిని వచ్చే రెండు వారాల్లో పంపిస్తారని టాక్. ఇదిలా ఉంటే దీనికి సంబంధించి మరో వార్త వినిపిస్తుంది. ఓ సభ్యుడిని తిరిగి హౌజ్లోకి తీసుకొచ్చే ఛాన్స్ ఉందట. ఆ సభ్యుడిని తీసుకొస్తే, ఈ వారం ఎలిమినేషన్ ఉంటుందని సమాచారం. మరి ఇందులో నిజమెంతా అన్నది వేచి చూడాలి. ఇదిలా ఉంటే బుధవారం ఎపిసోడ్లో దెయ్యంతో బెదిరించిన బిగ్బాస్ సక్సెస్ కాలేకపోయాడు. దీంతో గురువారం ఎపిసోడ్లో అది మరింత పెంచబోతున్నాడట. అరియానా టార్గెట్గా భయపెట్టేందుకు ప్లాన్ చేసినట్టు తాజాగా విడుదలైన ప్రోమోని చూస్తే అర్థమవుతుంది.