బిగ్ బాస్ సీజన్ 2 లో కంటెస్టెంట్ గా కొనసాగుతోన్న కౌశల్ ఇప్పుడు ఫినాలేకి చేరుకున్నారు. అతడికి ఆడియన్స్ లో ఎంతగా క్రేజ్ వచ్చిందో ప్రత్యేకంగా చెప్పనక్కర్లేదు. రోజురోజుకి అతడికి ఫ్యాన్ ఫాలోయింగ్ పెరిగిపోతోంది.
బిగ్ బాస్ సీజన్ 2 లో కంటెస్టెంట్ గా కొనసాగుతోన్న కౌశల్ ఇప్పుడు ఫినాలేకి చేరుకున్నారు. అతడికి ఆడియన్స్ లో ఎంతగా క్రేజ్ వచ్చిందో ప్రత్యేకంగా చెప్పనక్కర్లేదు. రోజురోజుకి అతడికి ఫ్యాన్ ఫాలోయింగ్ పెరిగిపోతోంది. అందరూ కలిసి కౌశల్ ఆర్మీగా ఏర్పాటై కౌశల్ కి కావాల్సినంత సపోర్ట్ అందిస్తున్నారు. కౌశల్ ని హౌస్ లో ఎవరేమన్నా..? ఆఖరికి హోస్ట్ నాని.. కౌశల్ ని ప్రశ్నించినా.. ఈ కౌశల్ ఆర్మీ వారిపై విరుచుకుపడుతోంది.
నాని హౌస్ మేట్స్ లో కొందరికి ఫేవర్ గా మాట్లాడుతున్నాడని, కౌశల్ ని కావాలని టార్గెట్ చేస్తున్నారని కౌశల్ ఆర్మీ కామెంట్స్ చేసి అతడి సినిమా హిట్ కానివ్వమని బెదిరించారు కూడా.. మొదట్లో ఈ విషయంపై స్పందించిన నాని.. తనకు అందరూ సమానమేనని వెల్లడించింది. నాని ఎన్ని స్టేట్మెంట్లు ఇస్తున్నా.. కౌశల్ ఆర్మీ మాత్రం అతడిని విడిచిపెట్టడం లేదు.
దీంతో నాని కూడా బాగా సైలెంట్ అయిపోయాడని తెలుస్తోంది. గత వారం హౌస్ లో జరిగిన పరిణామాలకు సంబంధించి నాని హౌస్ ని వాయిస్తాడనుకుంటే అతడు మాత్రం చాలా సైలెంట్ గా ఓపికగా ప్రతి ఒక్కరితో మాట్లాడారు. ఇక కౌశల్ ని సపోర్ట్ చేస్తూ నాని మాట్లాడడం విశేషం. హౌస్ మేట్స్ ని కుక్కలతో పోల్చిన విషయంలో కౌశల్ పై నాని ఫైర్ అవుతాడనుకుంటే నాని మాత్రం వాయిస్ తగ్గించి కౌశల్ తరఫున మాట్లాడుతూ ఇంట్లో వాళ్ల మీద పంచ్ వేశాడు.
తనీష్ ని అయితే నువ్వేమైనా రౌడీవా అంటూ ప్రశ్నిస్తూ అతడిని హెచ్చరించాడు. కౌశల్ ని మాత్రం చాలా సున్నితంగా మందలిస్తూ అతడు కానీ, కౌశల్ ఆర్మీ కానీ హర్ట్ అవ్వకుండా జాగ్రత్త పడ్డాడు.