బాలయ్యని ఫస్ట్ టైమ్ డైరెక్ట్ చేయబోతున్న స్టార్ డైరెక్టర్..?
సారాంశం
నందమూరి నటసింహం బాలకృష్ణ వరుస విజయాలతో హ్యాట్రిక్ హిట్ అందుకుని ఫుల్ ఫామ్లో ఉన్నారు. ఇప్పుడు ఓ భారీ సినిమా చేస్తున్నారు. దీంతోపాటు తాజాగా మరో కొత్త ప్రాజెక్ట్ ఓకే అయ్యిందట.
బాలకృష్ణ హ్యాట్రిక్ హిట్లతో జోరు మీదున్నాడు. ఆయన `అఖండ`, `వీరసింహారెడ్డి`, `భగవంత్ కేసరి` చిత్రాలు చేశాడు. వరుసగా విజయాలు అందుకున్నాడు. ఇప్పుడు బాబీ దర్శకత్వంలో ఎన్బీకే109 మూవీలో నటిస్తున్నారు. ఈ చిత్రం శరవేగంగా చిత్రీకరణ జరుపుకుంటోంది. భారీ స్థాయిలో ఈ మూవీని తెరకెక్కిస్తున్నారు బాబీ. ఓ పీరియడ్ కథాంశంతో ఈ చిత్రాన్ని తెరకెక్కిస్తున్నారు. వీటికి సంబంధించిన విడుదలైన ప్రీ లుక్ క్యూరియాసిటీని పెంచాయి. ఈ మూవీని దసరాకి తీసుకురావాలని, లేదంటే వచ్చే సంక్రాంతికి ప్లాన్ చేస్తున్నారట.
ఇదిలా ఉంటే బాలయ్య నెక్ట్స్ సినిమా ఎవరితో అనేది తాజాగా క్లారిటీ వచ్చింది. బోయపాటి శ్రీనుతో సినిమా ఉంటుందని భావించారు. కానీ అది లేదని తెలుస్తుంది. `అఖండ 2` పై అనుమానాలు నెలకొన్నాయి. ఈ నేపథ్యంలో బాలయ్య నెక్ట్స్ మూవీ ఇది, అది అంటూ పలు పుకార్లు వినిపించాయి. కానీ తాజాగా ఓ స్టార్ డైరెక్టర్ పేరు తెరపైకి వచ్చింది. బాలయ్యతో సినిమాలు చేయని దర్శకుడు లైన్లోకి వచ్చాడు. ఆయనే హరీష్ శంకర్. ఈ కాంబో సెట్ కాబోతుందట.
బాలకృష్ణ హీరోగా హరీష్ శంకర్ ఓసినిమా చేయబోతున్నారట. తాజాగా ఈ ప్రాజెక్ట్ సెట్ అయినట్టు సమాచారం. దీనికి సంబంధించిన వ్యవహారాలు జరుగుతున్నాయట. ఈ ఇద్దరు మొదటి సారి కలిసి పనిచేయబోతున్నారు. దీన్ని కేవీఎన్ ప్రొడక్షన్ నిర్మించబోతుందని తెలుస్తుంది. దీనిపై క్లారిటీ రావాల్సి ఉంది.
ప్రస్తుతం హరీష్ శంకర్.. రవితేజ హీరోగా `మిస్టర్ బచ్చన్` మూవీ చేస్తున్నారు. ఇది చిత్రీకరణ దశలో ఉంది. ఈ మూవీని శరవేగంగా పూర్తి చేసే పనిలో దర్శకుడు ఉన్నాడు. దీంతోపాటు పవన్ కల్యాణ్తో `ఉస్తాద్ భగత్ సింగ్` మూవీ చేయబోతున్న విషయం తెలిసిందే. `మిస్టర్ బచ్చన్` తర్వాత పవన్ సినిమాని కంప్లీట్ చేయబోతున్నారు. ఆ తర్వాత బాలయ్య మూవీ ఉండబోతుందని తెలుస్తుంది. దీనికి సంబంధించిన పూర్తి వివరాలు తెలియాల్సి ఉన్నాయి.