Ashokavanam Lo Release Date: విశ్వక్ సేన్ అర్జున కళ్యాణంకి ముహూర్తం ఫిక్స్, డేట్ ఇచ్చేసిన మేకర్స్.
సారాంశం
ఎట్టకేలకు విష్వక్సేన్ అర్జున కళ్యాణానికి ముహూర్తం కుదిరింది. మంచి రోజులు లేవంటు రీసెంట్ గా రిలీజ్ డేట్ ను పోస్ట్ పోన్ చేసిన టీమ్.. కొత్తగా రిలీజ్ డేట్ ను అనౌన్స్ చేశారు.
సినిమా సినిమాకి క్యారెక్టర్ తో పాటు సినిమా కథల్లోనూ డిఫరెన్స్ చూపిస్తున్నాడు యంట్ అండ్ డైనమిక్ హీరో విశ్వక్ సేన్. కొత్తకొత్త కథలతో సినిమాలు తీసి ఆడియన్స్ నుంచి అభినందననలు అందుకుంటున్నాడు. తన సినిమాలతో ఫ్యాన్స్ ను ఎప్పటి కప్పుడు పెంచుకుంటున్నాడు. ఇక తాజాగా ఆయన నటించిన డిఫరెంట్ మూవీ అశోక వనంలో అర్జున కళ్యాణం. రుష్కర్ దిల్లాన్ హీరోయిన్ గా నటించిన ఈ సినిమాను విద్యాసాగర్ డైరెక్ట్ చేస్తుండగా.. శ్రీ వెంకటేశ్వర సినీ చిత్ర డిజిటల్ బ్యానర్ పై బాపినీడు, సుధీర్ నిర్మిస్తున్నారు.
అయితే ఈ సినిమా తాజా రిలీజ్ డేట్ ను ప్రకటించారు మూవీ టీమ్. ఏప్రిల్ 22 అశోక వనంలో అర్జున్ కళ్యాణం సినిమా రిలీజ్ కాబోతున్నట్టు మేకర్స్ అనౌన్స్ చేశారు. ముందుగా మార్చ్ 4 రిలీజ్ చేస్తామంటూ టీజర్ తో పాటు అనౌన్స్ చేశారు టీమ్. ఆతరువాత రిలీజ్ పోస్ట్ పోన్ అంటూ నోట్ రిలీజ్ చేశారు. అర్జున కళ్యాణానికి అనుకున్న టైమ్ సరిగ్గా లేదని ముహూర్తం కుదరక సినిమాను పోస్ట్ పోన్ చేస్తున్నట్టు ప్రకటించారు. ఇక తాజాగా సినిమా రిలీజ్ డేట్ ను ఫిక్స్ చేశారు టీమ్.
ఇప్పటికే సమ్మర్ టార్గెట్ గా పెద్ద సినిమాలన్నీ రిలీజ్ అవుతుండగా చిన్న సినిమాలు కూడా సమ్మర్ బరిలో నిలవడానికి పోటీ పడుతున్నాయి. అటువంటి టైమ్ లో ఈ సినిమా పోస్ట్ పోన్ అని ప్రకటించడంతో.. రిలీజ్ డేట్ ఎప్పుడిస్తారు అనేది ఉత్కంఠగా మారిందిఇప్పటికే ఈ సినిమా నుంచి గ్లింప్స్, సాంగ్స్ టీజర్స్ కూడా రిలీజ్ అయి ప్రేక్షకులని ఆకట్టుకున్నాయి.
ఏజ్ పెరిగిపోయిన అబ్బాయికి పెళ్లి కుదిరితే, అది కూడా ఇంటర్ క్యాస్ట్ మ్యారేజ్ సెట్ అయితే ఎలాంటి పరిస్థితులు ఎదుర్కున్నాడు, మ్యారేజ్ తర్వాత ఆ అమ్మాయితో ఎలా ఉన్నాడు అనే కథాంశంతో కామెడీ, ఎమోషనల్ గా తెరకెక్కించినట్టు తెలుస్తుంది. టీజర్ లోనే సినిమా కథని ఇండైరెక్ట్ గా చెప్పేశారు మేకర్స్. కామెడీతో పాటుఎమోషనల్ గా కూడా చూపించారు.ఫ్యామిలీ ఆడియన్స్ నుంచి మంచి మార్కులు తెచ్చుకోవాలనే విష్వక్ సేన్ ప్రయత్నం ఎంతవరకూ ఫలిస్తుందో చూడాలి.