అజిత్ రేస్ కార్ ప్రమాదం, నుజ్జునుజ్జు అయిన కారు, స్టార్ హీరో పరిస్థితి ఏంటి..?
By Mahesh Jujjuri | First Published Jan 7, 2025, 9:02 PM ISTహీరో అజిత్ కుమార్ కారు ప్రమాదానికి గురైంది. కార్ రేసింగ్ ప్రాక్టీస్ సమయంలో ఈ సంఘటన జరిగింది. మరి ఈ ప్రమాదంలో అజిత్ పరిస్థితి ఏంటి..? ఎలా ఉన్నారు.
దుబాయ్‌లో కార్ రేస్ పోటీ జరగనుంది. ఈ రేసులో అజిత్ కుమార్ కూడా పాల్గొననున్నారు. దీనికోసం ఆయన తన కారుని ప్రత్యేకంగా తయారు చేయించుకున్నారు. ఈ కారణంగా, గత కొన్ని నెలలుగా అజిత్ కుమార్ దుబాయ్‌లోనే ఉన్నారు. అంతేకాకుండా, కార్ రేస్ ప్రాక్టీస్ కూడా చేస్తున్నారు. ఈలోగా, తన 'విడాముయర్చి' సినిమా షూటింగ్ , డబ్బింగ్ పనుల కోసం చెన్నై వచ్చిన ఆయన, ఆ పనులన్నీ పూర్తి చేసుకుని కొద్ది రోజుల క్రితమే దుబాయ్‌కి తిరిగి వెళ్లారు.
ఆయనను సాగనంపడానికి ఆయన కుటుంబ సభ్యులు చెన్నై విమానాశ్రయానికి వచ్చారు. అప్పుడు తీసిన ఫోటోలు సోషల్ మీడియాలో వైరల్ అయ్యాయి. ఈ నేపథ్యంలోనే ఈరోజు అజిత్ కార్ రేస్ ప్రాక్టీస్ చేస్తున్న సమయంలో. ఈ క్రమంలో ఊహించని విధంగా ఆయన కారు అదుపు తప్పి, సెక్యురిటీ వాల్ ను ఢీకొట్టి ప్రమాదానికి గురైంది. దీంతో కారు ముందు భాగం పూర్తిగా దెబ్బతింది. వెంటనే అక్కడ ఉన్న వైద్య బృందం ఆయనను సురక్షితంగా బయటకు తీసుకొచ్చింది. అయితే, ఈ ప్రమాదంలో అజిత్‌కు ఎలాంటి గాయాలు కాలేదు.
Latest Videos
బిగ్‌బాస్ హౌస్‌లో మిడ్ వీక్ ఎవిక్షన్! ఎవరు బయటకు వెళ్లనున్నారు?
కొన్ని నెలల క్రితం బైక్ మాస్టర్ సుప్రీం సుందర్ చెప్పిన మాటలు ఇప్పుడు గుర్తుకొస్తున్నాయి. అతి వేగంగా కార్ రేస్ చేయడం ప్రమాదకరం అని నేను అజిత్‌ను అడిగాను. దానికి ఆయన, కార్ రేస్ అయినా, బైక్ రేస్ అయినా, నేను సరైన శిక్షణ తీసుకున్న తర్వాతే రేసులో పాల్గొంటాను. అలాంటప్పుడు, 90 శాతం ప్రమాదాలు జరగవు. మిగిలిన 10 శాతం ప్రకృతి వైపర్యం. అది సహజంగా జరుగుతుంది. దాని గురించి మనం ఏమీ చేయలేము అన్నారు.
అంతే కాదు నేను ఎవరికీ ఎలాంటి హాని చేయలేదు. కాబట్టి నాకేమీ జరగదు. దేవుడు ఉన్నాడు. ఆయన చూసుకుంటాడు. ఆయన నన్ను కాపాడతాడు. నా కోసం మీరు ప్రార్థించండి. మీలాంటి వాళ్ళు ఉన్నప్పుడు నాకేమీ భయం లేదు అని అజిత్ చెప్పినట్లు సుప్రీం మాస్టర్ తెలిపారు. ఇప్పుడు కూడా కార్ రేస్ ప్రమాదం నుంచి అజిత్ గాయాలు లేకుండా బయటపడ్డారు. దీనికి అజిత్ మీద అభిమానులు చూపిస్తున్న ప్రేమ, దేవుడి ఆశీర్వాదం కూడా కారణం అంటున్నారు. ఇకపై కార్ రేస్‌లు వద్దని అభిమానులు అజిత్‌ను కోరుతున్నారు. అజిత్ అభిమానులు ఆయన ఆరోగ్యం గురించి ఆందోళన చెందుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి