ఆగస్టు నెలంటే మెగా ఫ్యాన్స్ కి చాలా ప్రత్యేకం. తమ అభిమాన హీరో చిరంజీవి పుట్టినరోజు ఆగస్టు 22 కావడమే దీనికి కారణం. ప్రతి ఏడాది చిరు బర్త్ డే వేడుకలు ఘనంగా చేసే ఫ్యాన్స్ కి ఈ ఏడాది కరోనా వలన కుదరక పోవచ్చు. ఐతే ఫ్యాన్స్ కి మాత్రం భారీ సర్ప్రైజ్ సిద్ధం చేశారు చిరంజీవి.
మెగా అభిమానులు ఎదురుచూస్తున్న అప్డేట్ వచ్చేసింది. మెగా స్టార్ చిరంజీవి బర్త్ డే కానుకగా వారికి ఓ సర్ప్రైజ్ సిద్ధమైంది. ఆచార్య మూవీ నుండి దర్శకుడు కొరటాల శివ క్రేజీ అప్డేట్ సిద్ధం చేశారు. ఆగష్టు 22న చిరంజీవి తన 65వ పుట్టినరోజు ఘనంగా జరుపుకోనున్నారు. ఈ పుట్టిన రోజు వేడుకల కోసం ఆయన అభిమానులు భారీ ఏర్పాట్లతో సిద్ధం అవుతున్నారు. ఐతే గతంలో మాదిరి సామాజిక సేవా కార్యక్రమాలు కరోనా కారణంగా రద్దు కానున్నాయి. కానీ సోషల్ మీడియాలో భారీ సందడి నెలకొననుంది.
ఈ చిత్ర ఫస్ట్ లుక్ మరియు మోషన్ పోస్టర్ చిరంజీవి పుట్టినరోజు కానుకగా విడుదల కానున్నాయి. ఈ మేరకు చిత్ర యూనిట్ అధికారిక ప్రకటన చేయడం జరిగింది. ఆగస్టు 22 సాయంత్రం 4:00 గంటలకు ఆచార్య మూవీ ఫస్ట్ లుక్ అండ్ మోషన్ పోస్టర్ విడుదల కానున్నాయి. దర్శకుడు కొరటాల శివ సోషల్ కాన్సెప్ట్ తో కూడిన కమర్షియల్ సబ్జెక్టు గా ఈ చిత్రాన్ని తెరకెక్కిస్తున్నారు. విప్లవ భావాలు కలిగిన సామాజికవాదిగా చిరంజీవి పాత్ర ఉండనుంది. దీనితో ఆచార్య మూవీలో చిరంజీవి లుక్ ఎలా ఉంటుందో అన్న ఆసక్తి అందరిలో నెలకొంది.
Unveiling the First Look & Motion Poster of on AUG 22nd at 4 PM 💥💥 pic.twitter.com/DwIxXdEGAN
— Konidela Pro Company (@KonidelaPro)టాలీవుడ్ సక్సెస్ ఫుల్ డైరెక్టర్ గా ఉన్న కొరటాల చిరంజీవితో బ్లాక్ బస్టర్ కొట్టడం ఖాయం అంటున్నారు. ఇక ఈ మూవీలో ఓ కీలక పాత్ర కోసం చరణ్ ని ఎంచుకోవడం జరిగింది. ఐతే ఆర్ ఆర్ ఆర్ షూటింగ్ లేటు కావడంతో చరణ్ ఆచార్య మూవీలో నటించే అవకాశం ఉండకపోవచ్చని అంటున్నారు. చరణ్ చేయని పక్షంలో మహేష్ ఈ పాత్ర చేసే అవకాశం కలదు. ఇక కొణిదెల ప్రొడక్షన్స్ బ్యానర్ లో రామ్ చరణ్ ఈ చిత్రాన్ని నిర్మిస్తుండగా కాజల్ అగర్వాల్ హీరోయిన్ గా నటిస్తుంది. మణిశర్మ సంగీతం అందిస్తున్నారు.