Aamir Khan Marriage: ఆమిర్ మూడో పెళ్లికి మాజీ భార్యలు ఎందుకు రాలేదు? అసలు కారణం ఇదే!

బాలీవుడ్ స్టార్ ఆమిర్ ఖాన్ మూడో పెళ్లి చేసుకున్నారు. అయితే ఈ పెళ్లికి ఆయన మాజీ భార్యలు ఇద్దరూ రాకపోవడంపై పెద్ద చర్చే జరిగింది. అసలు కిరణ్ రావు, రీనా దత్తా ఈ పెళ్లికి ఎందుకు హాజరు కాలేదో ఆమిర్ స్నేహితుడు అసలు విషయం బయటపెట్టారు.

సింపుల్‌గా ఆమిర్‌ ఖాన్‌ మూడో పెళ్లి 

బాలీవుడ్ మిస్టర్ పర్‌ఫెక్షనిస్ట్ ఆమిర్ ఖాన్ (Aamir Khan) తన గర్ల్‌ఫ్రెండ్ గౌరీ స్పాట్ (Gauri Spratt)‌ను జులై 5న పెళ్లి చేసుకున్న విషయం తెలిసిందే. ముంబైలోని తన ఇంట్లోనే కుటుంబ సభ్యుల మధ్య చాలా సింపుల్‌గా రిజిస్టర్డ్ మ్యారేజ్ (Registered Marriage) చేసుకున్నారు. తన ఫ్యామిలీ, అతికొద్ది మంది బంధుమిత్రుల సమక్షంలో ఈ పెళ్లి జరిగింది. 

ఆమిర్‌ ఖాన్‌ మాజీ భార్యలు పెళ్లికి ఎందుకు రాలేదు?

అయితే, ఈ పెళ్లికి ఆమిర్ మాజీ భార్యలు రీనా దత్తా (Reena Dutta), కిరణ్ రావు (Kiran Rao) రాకపోవడం హాట్ టాపిక్‌గా మారింది. దీనిపై రకరకాల ఊహాగానాలు వినిపించాయి. ఈ నేపథ్యంలో ఆమిర్ ఖాన్ బెస్ట్ ఫ్రెండ్, నటుడు అమిన్ హాజీ (Amin Hajee) వాళ్లిద్దరూ పెళ్లికి ఎందుకు రాలేదో అసలు కారణం చెప్పారు. 

యూకేలో కిరణ్‌ రావు, మరి మొదటి భార్య

ఒక మీడియాకు ఇచ్చిన ఇంటర్వ్యూలో అమిన్ హాజీ మాట్లాడుతూ.. "పెళ్లి జరిగే టైంలో కిరణ్ రావు యూకే (UK)లో ఉన్నారు. కానీ, వాళ్ల అబ్బాయి ఆజాద్ పెళ్లికి వచ్చాడు" అని తెలిపారు. ఇక మొదటి భార్య రీనా దత్తా గురించి మాట్లాడుతూ.. "కొన్నిసార్లు, అవతలి వాళ్లకు స్పేస్ ఇచ్చి దూరంగా ఉండటమే ప్రేమ, గౌరవం చూపించడం లాంటిది. ఈ ముఖ్యమైన రోజున ఎవరినీ ఇబ్బంది పెట్టడం ఆమిర్‌కు ఇష్టం లేదు. ఆమిర్ ఇప్పటికీ తన ఇద్దరు మాజీ భార్యలతో మంచి సంబంధాన్నే కొనసాగిస్తున్నాడు. పానీ ఫౌండేషన్ ద్వారా వాళ్లందరూ ఇప్పటికీ కలిసే పనిచేస్తున్నారు" అని స్పష్టం చేశారు.

చాలా సింపుల్‌గా పెళ్లి

పెళ్లి వేడుక గురించి అమిన్ వివరిస్తూ.. "ఈ పెళ్లిలో ఎలాంటి సంప్రదాయాలు, సంగీత్, హడావుడి లేవు. ఆమిర్ ఇంట్లో చాలా సింపుల్‌గా జరిగింది. రెండు కుటుంబాల వాళ్లం, కొద్దిమంది స్నేహితులం కూర్చొని మాట్లాడుకున్నాం, నవ్వుకున్నాం, సరదాగా గడిపాం. గౌరీ తండ్రి రాబర్ట్ బాబ్‌తో సహా వాళ్ల కుటుంబ సభ్యులు కూడా పెళ్లికి వచ్చారు. గౌరీ కుటుంబం చాలా సింపుల్, ప్రేమగల మనుషులు. వాళ్లు ఆమిర్‌ను చాలా ఇష్టపడతారు, గర్వంగా ఫీలవుతారు" అని చెప్పారు.

ఆమిర్ ఖాన్ - గౌరీ స్పాట్

గత ఏడాది తన 60వ పుట్టినరోజున ఆమిర్ ఖాన్.. గౌరీ స్పాట్‌ను మీడియాకు పరిచయం చేశారు. గత 18 నెలలుగా వీరిద్దరూ ప్రేమించుకుంటున్నారు. ఆమిర్‌కు ఇది మూడో పెళ్లి. 1986లో రీనా దత్తాను పెళ్లి చేసుకుని, 2002లో విడాకులు తీసుకున్నారు (వీరికి జునైద్, ఇరా అనే ఇద్దరు పిల్లలు). ఆ తర్వాత 2005లో డైరెక్టర్ కిరణ్ రావును పెళ్లి చేసుకుని, 2021లో విడిపోయారు (వీరికి ఆజాద్ అనే కొడుకు ఉన్నాడు). గౌరీ స్పాట్‌కు ఇది రెండో పెళ్లి. ఆమెకు మొదటి పెళ్లి ద్వారా క్విన్ (5) అనే కొడుకు ఉన్నాడు.