అల వైకుంఠపురములో హిట్ ఇచ్చిన కిక్ లో ఉషారుగా ఉన్నారు స్టైలిష్ స్టార్ అల్లు అర్జున్. ఈ నేపథ్యంలో తన తదుపరి చిత్రం సుకుమార్ సినిమా కోసం రెడీ అవుతున్నారు. సుక్కు సినిమా కోసం కొత్త లుక్‌లోకి మారేందుకు ప్రస్తుతం బన్నీ కసరత్తులు చేస్తున్నారు
అల వైకుంఠపురములో హిట్ ఇచ్చిన కిక్ లో ఉషారుగా ఉన్నారు స్టైలిష్ స్టార్ అల్లు అర్జున్. ఈ నేపథ్యంలో తన తదుపరి చిత్రం సుకుమార్ సినిమా కోసం రెడీ అవుతున్నారు. సుక్కు సినిమా కోసం కొత్త లుక్‌లోకి మారేందుకు ప్రస్తుతం బన్నీ కసరత్తులు చేస్తున్నారు. అతి త్వరలోనే ఈ మూవీ షూటింగ్‌లో పాల్గొనబోతున్నారు. అయితే అదే సమయంలో ప్రముఖ తమిళ దర్శకుడు మురగదాస్‌కు కూడా బన్నీ గ్రీన్ సిగ్నల్ ఇచ్చినట్లు అప్పట్లో వార్తలు వస్తున్నాయి. దర్బార్‌తో మళ్లీ ఫామ్‌లోకి వచ్చిన మురగదాస్, రీసెంట్ గా బన్నీని కలిసి ఓ కథను చెప్పారట. దాన్ని విన్న వెంటనే ఓకే చెప్పిన బన్నీ, ఫుల్ స్క్రిప్ట్‌తో రావాలని కోరారట. అయితే ఇంతకీ మురగదాస్ చెప్పిన కథ ఏమిటి అంటే ..గజనీ సీక్వెల్ అని తెలుస్తోంది.
ఈ మేరకు `గ‌జిని2` అనే టైటిల్ ఫిల్మ్ ఛాంబ‌ర్‌లో రిజిస్ట‌ర్ అయింది. గీతాఆర్ట్స్ రిజిస్ట‌ర్ చేయించటంతో ఇదే ప్రాజెక్టు కోసం అని అందరూ ఫిక్సైపోతున్నారు. `గ‌జిని`ని మురుగ‌దాసే తెర‌కెక్కించి..తెలుగులో,తమిళ భాషల్లో సూపర్ హిట్ కొట్టారు. దాన్ని హిందీలో అమీర్ ఖాన్ తో రీమేక్ చేసి ఘ‌న విజ‌యాన్ని సొంతం చేసుకుంది గీతాఆర్ట్స్. ఇప్పుడు `గ‌జిని2`ని కూడా తీసి, దాంతో అల్లు అర్జున్‌ని పాన్ ఇండియా స్థాయికి తీసుకెళ్లాల‌నేది అల్లు అరవింద్ ఆలోచ‌న‌గా చెప్తున్నారు. మురుగ‌దాస్ కూడా `గ‌జిని2`అయితే అల్లు అర్జున్ సెట్ అవుతుందని బాగుంటుంద‌ని భావించాడ‌ట. దాంతో ఆ కథపై ఆయ‌న ప్రస్తుతం కసరత్తులు చేస్తున్న‌ట్టు సమాచారం.
అయితే ఇక్కడే ఓ ట్విస్ట్ ఉంది. తెలుగులో స్ట్రైయిట్ సినిమాల పరంగా మురగదాస్‌కు బ్యాడ్ సెంటిమెంట్ ఉంది. తెలుగు స్టార్స్ అయిన చిరంజీవి, మహేష్ బాబులతో ఇప్పటివరకు సినిమాలను తీశారు మురగదాస్. స్టాలిన్, స్పైడర్ టైటిల్స్ తో తెరకెక్కిన ఈ రెండు చిత్రాలు ప్రేక్షకులను మెప్పించలేకపోయాయి. కానీ ఆ బ్యాడ్ సెంటిమెంట్‌ను బన్నీ పట్టించుకోవడం లేదని అంటున్నారు. కేవలం కథపై, మురగదాస్ మేకింగ్ పై నమ్మకం తో బన్నీ.. ఈ చిత్రంలో నటిస్తానని ఆయనకు హామీ ఇచ్చారట బన్నీ. తమిళ సినిమా వర్గాల నుంచి వినపడుతున్న దాన్ని బట్టి ఈ కాంబినేషన్ అతి త్వరలోనే సెట్స్ మీదకు వెళ్లనున్నట్లు సమాచారం.