ఉద్యోగ్ ఆధార్ అంటే ఏమిటి? నమోదు చేసుకోవడం వల్ల కలిగే ప్రయోజనాలు ఇవే

భారతదేశంలో చాలా మందికి ఆధార్ అంటే ఏమిటో తెలుసు. ఆధార్ అనేది ఒక వ్యక్తి గుర్తింపును నిరూపించే పత్రం. అయితే ఉద్యోగ్ ఆధార్ గురించి మీకు తెలుసా? ఉద్యోగ్ ఆధార్ దేని కోసం ? ఉద్యోగ్ ఆధార్  దాని ప్రయోజనాల గురించి వివరాలను తెలుసుకోండి. 

ఉద్యోగ్ ఆధార్ అనేది దేశంలోని సూక్ష్మ చిన్న, మధ్య తరహా పరిశ్రమలకు (MSMEలు) జారీ చేయబడిన ఒక ప్రత్యేక గుర్తింపు సంఖ్య. తర్వాత ఉద్యమ్ నెంబరుగా మార్చారు. కొత్త MSMEలు Udyam పోర్టల్‌లో నమోదు చేసుకున్న తర్వాత Udyam సర్టిఫికేట్‌ను పొందాలి. సరళంగా చెప్పాలంటే, ఇది MSMEల కోసం ఆధార్ లాంటి గుర్తింపు వ్యవస్థ. 

ఉద్యోగ్ ఆధార్ సర్టిఫికేట్ రూపంలో, చిన్న, సూక్ష్మ మధ్య తరహా పరిశ్రమలకు (MSME) ప్రభుత్వం అందిస్తుంది. ఉద్యోగ్ ఆధార్ నమోదు సంఖ్య 12 అంకెలు. భారతదేశంలో ఉద్యోగ్ ఆధార్‌ 18 సెప్టెంబర్ 2015 నుంచి ప్రారంభం అయ్యింది. ఉద్యోగ్ ఆధార్‌ను మైక్రో, స్మాల్ అండ్ మీడియం ఎంటర్‌ప్రైజెస్ (MSME), మినిస్ట్రీ ఆఫ్ మైక్రో, స్మాల్ అండ్ మీడియం ఎంటర్‌ప్రైజెస్ (MSME) నిర్వహిస్తుంది, ఉద్యోగ్ ఆధార్‌కు సంబంధించిన అన్ని కార్యకలాపాలను చూసుకుంటుంది మరియు దానికి సంబంధించిన అన్ని యూనిట్లను నిర్వహిస్తుంది.

ఉద్యోగ్ ఆధార్ కార్డ్ ఎలా పొందాలి?
>>  ఉద్యోగ్ ఆధార్ కార్డ్ కోసం దరఖాస్తు చేయడానికి ముందు ఆధార్ కార్డ్ కలిగి ఉండటం తప్పనిసరి. 
>>  మీకు ఇంకా మీ ఆధార్ కార్డ్ అందకపోతే, మొదటి దశ ఆధార్ ఎన్‌రోల్‌మెంట్ సెంటర్‌ని సందర్శించి దాని కోసం దరఖాస్తు చేసుకోవడం. 
>>  అధికారిక వెబ్‌సైట్‌కి లాగిన్ చేసి, మీ ఆధార్ కార్డ్ వివరాలను నమోదు చేయండి
>>  జనరేట్ OTP (వన్ టైమ్ పాస్‌వర్డ్)పై క్లిక్ చేయండి.
>> OTPని నమోదు చేయండి.
>>  అప్లికేషన్ పేజీ కనిపిస్తుంది. 
>>  అవసరమైన వివరాలను పూరించండి, డేటాను మళ్లీ ధృవీకరించండి
>>  ఒకసారి తనిఖీ చేసి, ధృవీకరించబడిన తర్వాత 'సమర్పించు'పై క్లిక్ చేయండి
>>  మీరు రిజిస్టర్డ్ మొబైల్ నంబర్‌లో మరొక OTPని పొందుతారు
>>  OTPని నమోదు చేసిన తర్వాత, దరఖాస్తును పూర్తి చేయడానికి చివరి 'సమర్పించు' బటన్‌పై క్లిక్ చేయండి.

ఉద్యోగ్ ఆధార్ కోసం అవసరమైన పత్రాలు:
>>  వ్యక్తిగత ఆధార్ సంఖ్య
>>  యజమాని పేరు
>>  దరఖాస్తుదారు కేటగిరి
>>  వ్యాపారం పేరు
>>  సంస్థ రకం
>>  బ్యాంక్ వివరాలు
>>  జాతీయ పారిశ్రామిక వర్గీకరణ కోడ్
>>  ఉపాధి పొందిన వ్యక్తుల సంఖ్య
>>  జిల్లా పారిశ్రామిక కేంద్రం వివరాలు
>>  ప్రారంభ రోజు

ఉద్యోగ్ ఆధార్ ప్రయోజనాలు:

ఒక వ్యాపారి ఉద్యోగ్ ఆధార్ కోసం నమోదు చేసుకుంటే, వ్యాపార ప్రయోజనం కోసం ప్రభుత్వం రూపొందించిన పథకాలకు అది అర్హత పొందవచ్చు. ప్రధానమంత్రి ఉపాధి కల్పన కార్యక్రమం (PMEGP),క్రెడిట్ రేటింగ్ పథకం, వడ్డీ రాయితీ అర్హత సర్టిఫికేట్ (ISEC), దేశీయ మార్కెట్ ప్రమోషన్ స్కీమ్, MSMEలకు సాంకేతికత, నాణ్యత అప్‌గ్రేడేషన్ మద్దతు వ్యాపార్ పథకం, ఆధార్ కింద వ్యాపారం నమోదు చేయబడితే మార్కెటింగ్ సహాయం అటువంటి పథకాలు ఏవైనా, మీరు ప్రభుత్వం ద్వారా సబ్సిడీ, మూలధన సహాయాన్ని పొందవచ్చు.