గుడ్ న్యూస్ వినిపించిన మోదీ ప్రభుత్వం..ఈ చిన్న మొత్తాల పథకాలపై వడ్డీ రేట్ల పెంపు నిర్ణయం..
By Krishna Adithya | First Published Jun 30, 2023, 6:28 PM ISTచిన్న పొదుపు పథకాల వడ్డీ రేట్లను కేంద్ర ప్రభుత్వం పెంచింది. జూలై 1 నుండి సెప్టెంబర్ 30, 2023 వరకు ప్రభుత్వం వడ్డీ రేట్లను పెంచుతున్నట్లు ప్రకటించింది.
చిన్న మొత్తాల పొదుపు పథకాల్లో పెట్టుబడి పెట్టే వారికి కేంద్ర ప్రభుత్వం నేడు శుభవార్త అందించింది. చిన్న పొదుపు పథకాల వడ్డీ రేట్లు మారుస్తూ నిర్ణయం తీసుకుంది. ప్రభుత్వం రెండవ త్రైమాసికానికి వడ్డీ రేట్లను పెంచింది. జూలై-సెప్టెంబర్‌కు త్రైమాసికంలో ప్రభుత్వం ఈ చిన్న పొదుపు పథకాలను 10-30 bps పాయింట్ల చొప్పున వడ్డీ రేట్లను పెంచింది.
కేంద్రప్రభుత్వం పబ్లిక్ ప్రావిడెంట్ ఫండ్ సహా చిన్న మొత్తాల పొదుపు పథకాల వడ్డీ రేట్లను నేడు సవరించింది. జూలై-సెప్టెంబర్ రెండో త్రైమాసికానికి సంబంధించి కొన్ని చిన్న మొత్తాల పొదుపు పథకాల వడ్డీ రేటును 0.30 శాతం పెంచుతున్నట్లు ఆర్థిక మంత్రిత్వ శాఖ ప్రకటించింది. అయితే ఈసారి ప్రభుత్వం పీపీఎఫ్ (పబ్లిక్ ప్రావిడెంట్ ఫండ్), ఎన్‌ఎస్‌సీ (నేషనల్ సేవింగ్స్ సర్టిఫికెట్), కిసాన్ వికాస్ పత్ర (కేవీపీ), సీనియర్ సిటిజన్ సేవింగ్స్ స్కీమ్ (ఎస్‌సీఎస్‌ఎస్), సుకన్య సమృద్ధి యోజన (ఎస్‌ఎస్‌వై) వడ్డీ రేట్లలో ఎలాంటి మార్పు చేయలేదు.
Latest Videos
ఆర్థిక మంత్రిత్వ శాఖ నోటిఫికేషన్ ఇలా ఉంది..
ఆర్థిక మంత్రిత్వ శాఖ అనేక సంప్రదింపుల తర్వాత చిన్న పొదుపు పథకాల వడ్డీ రేట్లపై నిర్ణయాలు తీసుకుంది. సాధారణ ప్రజలపై ప్రత్యక్ష ప్రభావం చూపే ఈ నిర్ణయానికి సంబంధించి మంత్రిత్వ శాఖ నోటిఫికేషన్ జారీ చేసింది. తాజా నోటిఫికేషన్‌లో కొన్ని చిన్న పొదుపు పథకాలపై వడ్డీ రేట్లను పెంచుతూ మంత్రిత్వ శాఖ నిర్ణయం తీసుకుంది.
ఆర్థిక మంత్రిత్వ శాఖ తీసుకున్న నిర్ణయం ఏదైనా పథకంలో ఇప్పటికే చేసిన డిపాజిట్లపై ప్రభావం చూపుతుంది. వీటిపై జూలై నుంచి సెప్టెంబర్ వరకు మారిన వడ్డీ రేట్లు అమల్లోకి వస్తాయి. 2022-23 ఆర్థిక సంవత్సరంలో ప్రభుత్వం దాదాపు రూ.4.39 లక్షల కోట్ల విలువైన ప్రభుత్వ సెక్యూరిటీలను జారీ చేసింది. ఈ ఆర్థిక సంవత్సరంలో, ఆర్థిక లోటును తీర్చడానికి చిన్న పొదుపు పథకాలపై రూ.4.71 లక్షల కోట్ల కంటే ఎక్కువ విలువైన ప్రభుత్వ సెక్యూరిటీలను జారీ చేయాలని ప్రభుత్వం భావిస్తోంది.
ఈ విధంగా వడ్డీ రేట్లు నిర్ణయిస్తారు..
చిన్న పొదుపు పథకాలపై వడ్డీ రేట్లు ప్రభుత్వ సెక్యూరిటీల రాబడిపై ఆధారపడి ఉంటాయి. ఎస్ గోపీనాథ్ కమిటీ సిఫారసుల ఆధారంగా ప్రభుత్వం 2016 నుంచి దీనిని అనుసరిస్తోంది. జాతీయ పొదుపు ధృవీకరణ పత్రం (నేషనల్ సేవింగ్స్ సర్టిఫికెట్ / NSC), పబ్లిక్ ప్రావిడెంట్ ఫండ్ (PPF), కిసాన్ వికాస్ పత్రం (KVP) వంటి చిన్న పొదుపు పథకాలపై వచ్చే వడ్డీ సుకన్య సమృద్ధి అకౌంటు (SSA) నేరుగా సంబంధించినది ప్రభుత్వ సెక్యూరిటీల రాబడిని బట్టి ఆధారపడి ఉంటుంది.
ఇంతకు ముందు, ప్రస్తుత ఆర్థిక సంవత్సరం మొదటి త్రైమాసికంలో అంటే ఏప్రిల్-జూన్ 2023లో చిన్న పొదుపు పథకం యొక్క వడ్డీ రేట్లు మార్చింది. 5 సంవత్సరాల నేషనల్ సేవింగ్స్ సర్టిఫికెట్‌పై వడ్డీని 0.70 శాతం నుంచి 7.7 శాతానికి పెంచింది. ఈ మార్పుకు ముందు, సీనియర్ సిటిజన్లు పొదుపు పథకాలపై గరిష్టంగా 8.2 శాతం వడ్డీని పెంచింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి