కూతురి పెళ్లి కోసం బ్యాంక్ లాకర్‌లో ఉంచిన 18 లక్షలు చెదపురుగులు తినేశాయి..ఇప్పుడేం చేయాలి..
By Krishna Adithya | First Published Sep 29, 2023, 4:02 PM ISTఓ మహిళ బ్యాంకు వద్దకు చేరుకుని లాకర్‌ను తెరిచి చూడగా ఎలుకలు ధ్వంసం చేసిన 18 లక్షల రూపాయల విలువైన కరెన్సీ నోట్లు కనిపించాయి.
కూతురు పెళ్లి కోసం బ్యాంకు లాకర్‌లో ఉంచిన 18 లక్షల రూపాయలను చెదపురుగులు తినేశాయి. ఉత్తరప్రదేశ్‌లోని మొరాదాబాద్‌కు చెందిన అల్కా పాఠక్ అనే మహిళ వింత తరహాలో డబ్బు పోగొట్టుకుంది. గతేడాది అక్టోబర్‌లో బ్యాంక్ ఆఫ్ బరోడా ఆషియానా బ్రాంచ్ లాకర్‌లో రూ.18 లక్షల కరెన్సీని దాచుకుంది. కాగా ఈ మధ్యకాలంలో కస్టమర్ లాకర్ ఒప్పందాన్ని పునరుద్ధరించడానికి బ్యాంక్ సిబ్బంది వారిని సంప్రదించారు. దీని కోసం వారి KYC వివరాలను అప్‌డేట్ చేయడానికి బ్రాంచ్‌కు రావాలని కోరారు.
బ్యాంకు వద్దకు చేరుకుని లాకర్‌ను తెరిచి చూడగా చెదపురుగులు ధ్వంసం చేసిన 18 లక్షల రూపాయల విలువైన కరెన్సీ నోట్లు కనిపించాయి. ఈ ఘటనలో బ్యాంకు అధికారులు కూడా ఆశ్చర్యపోయారు. విషయం వివాదాస్పదంగా మారడంతో బ్యాంక్ ఆఫ్ బరోడా నివేదిక పంపిందని బ్యాంక్ ఉద్యోగులు తెలిపారు. బ్యాంకు అధికారులు తమకు ఎలాంటి సమాచారం అందలేదని ఆరోపించారు. నిజానికి బ్యాంకు లాకర్లలో డబ్బు ఉంచడాన్ని రిజర్వ్ బ్యాంక్ నిషేధించింది. అందువల్ల ఆ మహిళకు పరిహారం అందుతుందన్న గ్యారెంటీ లేదు.
Latest Videos
బ్యాంక్ ఆఫ్ బరోడా లాకర్ ఒప్పందం ప్రకారం లాకర్లను నగలు, ఇతర పత్రాలు వంటి విలువైన వస్తువులను నిల్వ చేయడం వంటి చట్టబద్ధమైన ప్రయోజనాల కోసం మాత్రమే ఉపయోగించాలని, నగదు లేదా కరెన్సీని నిల్వ చేయడానికి కాదని అధికారులు స్పష్టం చేశారు. దొంగతనం, దోపిడీ వల్ల జరిగే నష్టానికి మాత్రమే బ్యాంకు బాధ్యత వహించాల్సి ఉంటుందని బ్యాంకు వెబ్‌సైట్ కూడా పేర్కొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి