Stock to Buy: ఐసీఐసీఐ బ్యాంక్ సహా ఈ 4 స్టాక్స్ బంపర్ రిటర్న్ ఇచ్చే అవకాశం, మోతీలాల్ ఓస్వాల్ రికమండేషన్స్ ఇవే

స్టాక్ మార్కెట్లో డబ్బులు పెట్టడం ద్వారా అతి తక్కువ సమయంలో డబ్బు సంపాదించడమే లక్ష్యమా..? అయితే మంచి క్వాలిటీ స్టాక్స్ పై కన్నేయండి. మార్కెట్ క్యాప్ పరంగానూ, బిజినెస్ పరంగానూ దూకుడు మీద ఉన్న స్టాక్స్ ను మోతిలాల్ ఓస్వాల్ బ్రోకరేజీ సంస్థ సిఫారసు చేసింది. 

స్టాక్ మార్కెట్‌లో పెట్టుబడి పెట్టడమే మీ లక్ష్యమా అయితే మంచి స్టాక్స్ పై దృష్టి సారించండి. బ్రోకరేజ్ హౌస్ మోతీలాల్ ఓస్వాల్ రీసెర్చ్ రిపోర్టులో ఏ రంగానికి చెందిన స్టాక్‌లు బలమైన రిటర్న్ ఇస్తాయో ప్రకటించింది. ఈ నివేదికలో, ఏ స్టాక్‌కు ఎంత రేటింగ్ ఉంది. ఏ స్టాక్స్ కొనుగోలు చేయాలి. ఏ స్టాక్స్ విక్రయించాలి, ఏ స్టాక్స్ హోల్డ్ చేయాలో తెలుసుకుందాం. 

ఐసీఐసీఐ బ్యాంక్‌ 
ఐసిఐసిఐ బ్యాంక్ షేర్లు బ్రోకరేజ్ హౌస్ మొదటి ఎంపికగా ఉంది. 98% నిపుణులు ఈ స్టాక్ పై కొనుగోలు రేటింగ్ ఇచ్చారు. ఐసిఐసిఐ బ్యాంక్ షేర్లు గురువారం 2 శాతం పెరిగి 52 వారాల గరిష్ఠ స్థాయి రూ.866.15కి చేరుకున్నాయి. ఈ ప్రైవేట్ బ్యాంకు మార్కెట్ క్యాప్ తొలిసారిగా రూ.6 లక్షల కోట్లను దాటింది. ఆ తర్వాత 98 శాతం మంది నిపుణులు ఎల్ అండ్ టిపై కూడా బుల్లిష్‌గా ఉన్నారు. ఇది కాకుండా, 97 శాతం మంది నిపుణులు ITC షేర్‌పై, 96 శాతం స్టేట్ బ్యాంక్ ఆఫ్ ఇండియా, 96 శాతం మంది HDFC స్టాక్‌పై ఆసక్తి కలిగి ఉన్నారు. ప్రస్తుతం 17,600 పైన ట్రేడవుతున్న నిఫ్టీ ఇండెక్స్ 20,000 దగ్గరకు చేరుకోవచ్చు.

ఈ రంగాల స్టాక్స్‌పై దృష్టి పెట్టండి
ప్రైవేట్ బ్యాంకులు, ఆయిల్ గ్యాస్, ఎన్‌బిఎఫ్‌సిలు, టెక్నాలజీ, పిఎస్‌యు బ్యాంకులు, టెలికాంలు, వినియోగదారులు నిఫ్టీ ఇండెక్స్‌కు అత్యధికంగా సహకరించనున్నాయి. ఆయిల్ అండ్ గ్యాస్, ఆటో, కన్స్యూమర్, పిఎస్‌యు బ్యాంకులు, ప్రైవేట్ బ్యాంకులు ఈ ఏడాది 2022లో వరుసగా 18%, 18%, 14%, 11%,8% రాబడులతో మెరుగైన పనితీరును కనబరిచాయని విశ్లేషకులు చెబుతున్నారు. నిపుణుల అభిప్రాయం ప్రకారం, ఇండెక్స్ పెరుగుదలలో నిఫ్టీ 50 యొక్క టాప్ 10 స్టాక్‌ల సహకారం 72% వరకు ఉంటుందని అంచనా వేస్తున్నారు.  అదే సమయంలో, నివేదిక ప్రకారం, JSW స్టీల్ షేర్లు 18% పడిపోవచ్చు. ఏషియన్ పెయింట్స్ షేర్లు 4%, ఐషర్ మోటార్ 3%, కోల్ ఇండియా 2%, విప్రో 1% వరకు పడిపోవచ్చు.

Note: ఇక్కడ బ్రోకరేజీ నిపుణులు విడుదల చేసిన నివేదిక  సమాచారం మాత్రమే ఇవ్వబడింది, ఇది పెట్టుబడి సలహా కాదు. స్టాక్ మార్కెట్లో పెట్టుబడి పెట్టడం అనేది నష్టాలకు లోబడి ఉంటుంది, దయచేసి పెట్టుబడి పెట్టే ముందు మీ సలహాదారుని సంప్రదించండి