Stock Market: భారీ లాభాల్లో ట్రేడవుతున్న స్టాక్ మార్కెట్ సూచీలు, 650 పాయింట్లు లాభాపడ్డ సెన్సెక్స్...

స్టాక్ మార్కెట్లు భారీ లాభాల్లో ట్రేడవుతున్నాయి. మార్కెట్ ప్రారంభం నుంచే పుంజుకున్న సెన్సెక్స్ , నిఫ్టీలు భారీ లాభాలను చవిచూశాయి. సెన్సెక్స్ ఏకంగా 700 పాయింట్లు లాభపడింది. 

రష్యా , ఉక్రెయిన్‌లలో సయోధ్య ఏర్పడే అవకాశాలు మెరుగవుతున్న నేపథ్యంలో గ్లోబల్ మార్కెట్ సెంటిమెంట్‌లు బలపడ్డాయి. అదే సమయంలో, నేటి ట్రేడింగ్ లో, దేశీయ స్టాక్ మార్కెట్‌లో మంచి బూమ్ కనిపిస్తోంది.  సెన్సెక్స్ ఉదయం 11.30 గంటలకు ఏకంగా 700 పాయింట్లకు పైగా బలపడింది. నిఫ్టీ 17480 పాయింట్లు దాటింది.  నిఫ్టీలో ఆటో ఇండెక్స్ 1 శాతానికి పైగా లాభపడింది. మరోవైపు బ్యాంకులు, ఆర్థిక సూచీలు అర శాతానికి పైగా పెరిగాయి. అయితే మెటల్ ఇండెక్స్ మాత్రం 1 శాతానికి పైగా బలహీనపడింది. రియల్టీ ఇండెక్స్ కూడా 1 శాతం పెరిగింది. ఫార్మా, ఐటీ, ఎఫ్‌ఎంసీజీ సూచీలు కూడా గ్రీన్‌లో ఉన్నాయి. 

హెవీవెయిట్ స్టాక్స్‌లో మంచి కొనుగోళ్లు కనిపిస్తున్నాయి. టెక్ మహీంద్రా, టాటా స్టీల్, సన్ ఫార్మా, ఎన్‌టీపీసీ, ఐటీసీ షేర్లు తమ సూచీల్లో మంచి పనితీరు కనబరుస్తున్నాయి. ఇది కాకుండా భారతీ ఎయిర్‌టెల్, మారుతీ సుజుకీ, నెస్లే ఇండియా, బజాజ్ ఫైనాన్స్, ఏషియన్ పెయింట్స్, హౌసింగ్ డెవలప్‌మెంట్ ఫైనాన్స్ కార్పొరేషన్ (హెచ్‌డిఎఫ్‌సి) వంటి స్టాక్‌లు బిఎస్‌ఇలో మంచి కొనుగోళ్లను ప్రదర్శిస్తున్నాయి. 

బుధవారం ఉదయం ఆసియా మార్కెట్లు మంచి లాభాలను చవిచూస్తున్నాయి. సింగపూర్ ఎక్స్ఛేంజీలో 0.87 శాతం జంప్ ఉండగా, తైవాన్ 0.76 శాతం పెరిగింది. ఇది కాకుండా, దక్షిణ కొరియా కాస్పిలో కూడా 0.32 శాతం లాభం కనిపించింది, అయితే జపాన్ యొక్క నిక్కీ స్టాక్ ఎక్స్ఛేంజ్ 0.80 శాతం క్షీణతతో ట్రేడవుతోంది. 

ఇక ఈ రోజు బజ్జింగ్ స్టాక్స్ విషయానికి వస్తే... ONGCలో 1.5% వాటాను విక్రయించడానికి ప్రభుత్వం ఆమోదం తెలిపింది. మార్చి 30 మరియు మార్చి 31 తేదీల్లో ఆఫర్ ఫర్ సేల్ ద్వారా 9.43 కోట్ల కంటే ఎక్కువ ఈక్విటీ షేర్లను (మొత్తం చెల్లించిన ఈక్విటీలో 0.75 శాతం) విక్రయించాలని భారత ప్రభుత్వం ప్రతిపాదించింది. OFS ద్వారా 9.43 కోట్ల కంటే ఎక్కువ ఈక్విటీ షేర్లను విక్రయించే అవకాశం కూడా ప్రభుత్వానికి ఉంది, ఇది సమిష్టిగా 1.5 శాతం వాటాను సూచిస్తుంది. ఆఫర్ ఫ్లోర్ ధర ఒక్కో షేరుకు రూ.159గా నిర్ణయించబడింది.

ఇక ఇటీవల ఐటీ దాడులకు గురయిన హీరో మోటోకార్ప్ తాజాగా ఓ ప్రెస్ రిపోర్ట్‌లో చేసిన తమపై చేసిన ఆరోపణల్లో నిర్ధారితం కాలేదని, కంపెనీ స్పష్టం చేసిన తర్వాత హీరో మోటోకార్ప్ షేర్ ఈ రోజు ఇన్వెస్టర్ల దృష్టిలో పడింది. ఊహాజనిత పత్రికా నివేదికలను మేము నిర్ద్వంద్వంగా ఖండిస్తున్నామని హీరో మోటోకార్ప్ తన ప్రకటనలో తెలిపింది.

గత వారంలో ఆదాయపు పన్ను శాఖ అధికారులు మా కార్యాలయాలను సందర్శించారని మేము స్పష్టం చేయాలనుకుంటున్నాము. కంపెనీ అధికారులకు అన్ని రకాలుగా సంబంధిత ఐటీ శాఖ అధికారులకు తమ  సహకారం, అవసరమైన పత్రాలు డేటాను అందించినట్లు తెలిపారు.  మరో ప్రెస్ నోట్‌లో కంపెనీ తన మోటార్‌సైకిళ్లు మరియు స్కూటర్ల సవరించిన  ఎక్స్-షోరూమ్ ధరలను ఏప్రిల్ 5, 2022 నుండి అమలులోకి తీసుకురానున్నట్లు తెలిపింది.