ట్విట్టర్ బాటలో మెటా, ఇన్‌స్టాగ్రాం, ఫేస్‌బుక్‌లో కూడా పెయిడ్ బ్లూటిక్ సర్వీసు ప్రారంభం..ఎంత చెల్లించాలంటే..

ట్విట్టర్ ఇప్పటికే బ్లూటిక్ సర్వీసుకు డబ్బులు వసూలు చేయడం ప్రారంభించగా, ఇప్పుడు అదే బాటలో మెటా కూడా వచ్చేసింది. తాజాగా ఇంస్టాగ్రామ్, ఫేస్ బుక్ అకౌంట్ లపై కూడా వెరిఫైడ్ బ్లూటిక్ కావాలంటే డబ్బులు చెల్లించాలని మెటా కొత్త సర్వీసు ప్రారంభించింది.

ఫేస్‌బుక్ ,  ఇన్‌స్టాగ్రామ్ మాతృ సంస్థ అయిన మెటా, వినియోగదారుల కోసం పెయిడ్ బ్లూ టిక్ వెరిఫికేషన్ సిస్టమ్‌ను ప్రారంభించింది. ఈ వారంలో ఆస్ట్రేలియా,  న్యూజిలాండ్‌లలో ఈ సేవ ప్రారంభించబోతోంది. Meta Verified వెబ్‌లో నెలకు 11.99 డాలర్లు చెల్లించాల్సి ఉంది. అదే ,  Apple iOS సిస్టమ్‌లో నెలకు 14.99 డాలర్లు చెల్లించాల్సి ఉంటుంది.

ఎలోన్ మస్క్ నేతృత్వంలోని ట్విట్టర్ ఇలాంటి పెయిడ్ వెరిఫై సర్వీసును ప్రారంభించిన కొద్ది వారాల తర్వాత మెటా కూడా ఈ తరహా నిర్ణయం తీసుకుంది. పెయిడ్ కస్టమర్లు ప్రభుత్వ IDని ఉపయోగించి Instagram,  Facebookలో వారి ప్రొఫైల్‌లను వెరిఫై చేసుకోవచ్చు. మార్క్ జుకర్‌బర్గ్ తన ప్రసార ఛానెల్ ద్వారా ఆదివారం ఈ ప్రకటన చేశారు. భారతదేశంలో ఈ ప్లాన్ ఎప్పుడు ప్రారంభించబడుతుందో మెటా ఇంకా ప్రకటించలేదు. అయితే, జుకర్‌బర్గ్ ప్రారంభించిన ఈ అప్ డేట్ చేసిన రాబోయే వారాల్లో ఇతర దేశాలకు విస్తరించనుంది.

18 ఏళ్లు పైబడి ఉండాలి
మెటా వెరిఫైడ్ ప్రొఫైల్ కోరుకునే వారి వయస్సు 18 ఏళ్లు పైబడి ఉండాలి. పూర్తి ప్రొఫైల్ ,  వినియోగదారు ముఖాన్ని చూపించే లీడ్ ఇమేజ్‌ ఉండాలి.  ప్రభుత్వం జారీ చేసిన IDతో ఖాతాను ధృవీకరించాలి. వారి ఖాతా వినియోగదారు పేరు, ప్రొఫైల్ పేరు ,  ఫోటో లేదా పుట్టిన తేదీని మార్చాలనుకునే వారు మళ్లీ సభ్యత్వం ,  ధృవీకరణ ప్రక్రియ ద్వారా వెళ్లాలి.

ట్విట్టర్ కూడా బాధ్యతలు తీసుకుంటుంది
Twitter ప్రస్తుతం దాని బ్లూ టిక్ సబ్‌స్క్రిప్షన్ కోసం నెలకు 8 డాలర్లు ఛార్జ్ చేస్తోంది, ఇప్పటికే ఈ సర్వీసు US, కెనడా, ఆస్ట్రేలియా సహా భారత్ లో కూడా ప్రారంభమైంది. అయితే ట్విట్టర్ తరహాలో  ఇన్‌స్టాగ్రామ్ ఇలాంటి ఫీచర్‌ను ప్రవేశపెడితే మెటా ఆదాయం భారీగా పెరుగుతుందని నిపుణులు అంచనా వేస్తున్నారు. 

పెయిడ్ సర్వీసుల వైపు సోషల్ మీడియా సంస్థలు ఎందుకు మొగ్గు చూపుతున్నాయి..
నిన్న ట్విట్టర్ నేడు మెటా ఇలా అన్ని సోషల్ మీడియా దిగ్గజాలు పెయిడ్ సర్వీసులను అందించడం ద్వారా డబ్బులు సంపాదించాలని భావిస్తున్నాయి. ముఖ్యంగా తమకు ఉన్నటువంటి బిలియన్ల కొద్ది యూజర్లను ఉపయోగించుకొని నేరుగా వారి వద్ద నుంచే డబ్బులు వసూలు చేయడం ద్వారా పెద్ద మొత్తంలో లాభాలు పొందవచ్చని, ఇప్పటికే ట్విట్టర్ అధినేత ఎలాన్ మాస్క్ ఒక దారి చూపించారు.  ఇంతకాలం అడ్వర్టైజ్మెంట్ రెవెన్యూ పైనే బతికిన సోషల్ మీడియా ప్లాట్ ఫారంలు  ఇప్పుడు నేరుగా యూజర్ల వద్ద నుంచి పెయిడ్ సర్వీసుల రూపంలో డబ్బులు వసూలు చేయడం వెనుక ఆర్థిక మాధ్య కూడా ఒక కారణం అని చెబుతున్నారు.  కరోనా అనంతరం తలెత్తిన ఆర్థిక మాంద్యం వల్ల ప్రస్తుతం అడ్వర్టైజ్మెంట్ రెవెన్యూ భారీగా తగ్గిందని అందుకే దాన్ని భర్తీ చేసుకునేందుకే, ఇలాంటి కొత్త ప్లాన్స్ తో సోషల్ మీడియా ప్లాట్ ఫారం అధినేతలు వస్తున్నారని నిపుణులు చెబుతున్నారు.