నవంబర్ 1 నుండి కొత్త రూల్స్: ఈ మార్పులు మీపై ఎలా ప్రభావం చూపుతుందో తెలుసా?

ప్రతి నెల 1వ తేదీ లాగానే నవంబర్ 1న ఎల్‌పీజి ధరలను సమీక్షించిన తర్వాత పెట్రోలియం కంపెనీలు కొత్త ధరలను నిర్ణయిస్తాయి. పెట్రోలియం కంపెనీలు 14 కిలోల డొమెస్టిక్ సిలిండర్లు, 19 కిలోల కమర్షియల్ సిలిండర్ల ధరలను ప్రతి నెలా ఒకటో తేదీన సమీక్షిస్తాయి.

నేడు అక్టోబర్ నెల చివరి రోజు, రేపటి నుండి నవంబర్ నెల ప్రారంభం కానుంది. అయితే నవంబర్ 1 నుండి కొన్ని రూల్స్ లో మార్పులు జరగబోతున్నాయి. ఈ మార్పులు మీ ఆదాయంపై మాత్రమే కాకుండా మీ పై కూడా ప్రభావం చూపవచ్చు. నవంబర్ 1 నుంచి గ్యాస్ సిలిండర్ల ధరల్లో మార్పుతో పాటు ఇన్సూరన్స్ క్లెయిమ్‌కు సంబంధించిన నిబంధనలు కూడా మారనున్నాయి.  

గ్యాస్ ధరలు 
 ప్రతి నెల 1వ తేదీ లాగానే నవంబర్ 1న ఎల్‌పీజి ధరలను సమీక్షించిన తర్వాత పెట్రోలియం కంపెనీలు కొత్త ధరలను నిర్ణయిస్తాయి. పెట్రోలియం కంపెనీలు 14 కిలోల డొమెస్టిక్ సిలిండర్లు, 19 కిలోల కమర్షియల్ సిలిండర్ల ధరలను ప్రతి నెల ఒకటో తేదీన సమీక్షిస్తాయి. అయితే అక్టోబర్ 1న పెట్రోలియం కంపెనీలు వాణిజ్య గ్యాస్ సిలిండర్ల ధరలను రూ.25.5 పెంచాయి.  

సిలిండర్ డెలివరీ కోసం ఓ‌టి‌పి 
నవంబర్ నెల నుండి రెండవ ముఖ్యమైన మార్పు కూడా గ్యాస్ సిలిండర్‌కు సంబంధించినది. నవంబర్ నెల నుండి గ్యాస్ సిలిండర్ల ఇంటి డెలివరీ కోసం వన్ టైమ్ పాస్‌వర్డ్ అంటే ఓ‌టి‌పి అవసరం. సిలిండర్‌ను బుక్ చేసిన తర్వాత కస్టమర్ల రిజిస్టర్డ్ మొబైల్ నంబర్‌కు ఓ‌టి‌పి వస్తుంది. ఓ‌టి‌పి చెప్పిన తర్వాత, సిస్టమ్‌తో  మ్యాచ్ చేశాక ఆ తర్వాత మాత్రమే సిలిండర్ డెలివరీ చేయబడుతుంది. 

ఇన్సూరన్స్ క్లెయిమ్‌ నియమాలు

నవంబర్ 1న IRDA కూడా పెద్ద మార్పును ప్రకటించవచ్చు. భీమాదారులు నవంబర్ మొదటి తేదీ నుండి కే‌వై‌సి వివరాలను అందించడం తప్పనిసరి చేయవచ్చు. ప్రస్తుతం, నాన్-లైఫ్ ఇన్సూరెన్స్ పాలసీని కొనుగోలు చేసేటప్పుడు కే‌వై‌సి ఇవ్వడం స్వచ్ఛందం అయితే, నవంబర్ నుండి ఇది తప్పనిసరి అవుతుంది. దీని తర్వాత ఇన్సూరన్స్ క్లెయిమ్ సమయంలో కే‌వై‌సి డాక్యుమెంట్స్ అందించకపోతే క్లెయిమ్‌ను రద్దు చేయవచ్చు.

జి‌ఎస్‌టికి సంబంధించిన నియమాలలో మార్పు 

నవంబర్ నెలలో జి‌ఎస్‌టికి సంబంధించిన నియమాలలో కూడా మార్పు ఉంటుంది. ఇప్పుడు ఐదు కోట్ల కంటే తక్కువ టర్నోవర్ ఉన్న పన్ను చెల్లింపుదారులు జి‌ఎస్‌టి రిటర్న్‌లో ఐదు అంకెల HSN కోడ్‌ను ఎంటర్ చేయాల్సి ఉంటుంది. అంతకుముందు రెండు అంకెల HSN కోడ్‌ను ఎంటర్ చేయాల్సి ఉండేది. ఐదు కోట్ల కంటే ఎక్కువ టర్నోవర్ ఉన్న పన్ను చెల్లింపుదారులు 1 ఏప్రిల్  2022 నుండి కోడ్‌ను ఎంటర్ చేయడం తప్పనిసరి చేసింది.