ప్రపంచంలోనే అత్యంత కుబేరుడు అయినటువంటి ఎలాన్ మస్క్ అనగానే మనకు గుర్తొచ్చేది అతని సంపద మాత్రమే కాదు, అతను సృష్టించే వివాదాలు కూడా అవుతున్నాయి. అయితే అతని ప్రాణ స్నేహితుడైన ఓ భారతీయుడు మాత్రం తన మిత్రుడు మస్తు అలాంటివాడు కాదని వెనకేసుకొస్తున్నారు మరి ఎవరు మీ మిత్రుడు ఏమిటో తెలుసుకుందాం..?
ప్రపంచంలోనే అత్యంత ధనవంతుడైన ఎలోన్ మస్క్‌కి భారత్‌తో పాటు ప్రపంచంలోని అనేక దేశాలలోని ప్రభావవంతమైన వ్యక్తులతో పరిచయాలు, స్నేహం ఉన్న సంగతి తెలిసిందే. కానీ మస్క్‌కి భారతదేశంలో చాలా ప్రత్యేకమైన స్నేహితుడు ఉన్నాడు.
అయితే ఎలాన్ స్నేహితుడు అనగానే అతడు ఏ భారతీయ కుబేరుడో అనుకుంటే పొరపాటే. అతను ఓ సాధారణ వ్యక్తి కావడం విశేషం. పూణే కు చెందిన టెక్కీతో మస్క్ స్నేహం గురించి చాలా మందికి తెలియదు. 2018లో టెస్లా ఆటోమేటిక్ విండ్‌షీల్డ్ వైపర్‌లలో లోపాన్ని ఎత్తి చూపిన పూణే నివాసి ప్రణయ్ పాథోల్, ఈ రోజు మస్క్ స్నేహితుడిగా మారిపోయాడు. కేవలం 19 సంవత్సరాల వయస్సులో ఉన్న ప్రణయ్ తో టెస్లా స్నేహం విచిత్రంగా ప్రారంభమైంది. ప్రణయ్ ఇమెయిల్‌పై స్పందించిన మొదటి వ్యక్తి ఎలాన్ మస్క్, కాగా ఆ తర్వాత వారి మధ్య స్నేహం మొదలైంది.
ప్రస్తుతం ప్రణయ్ పూణెలో సాఫ్ట్‌వేర్ ఇంజనీర్‌గా పనిచేస్తున్నాడు. ప్రపంచంలోనే అత్యంత సంపన్నుడైన ఎలోన్ మస్క్‌తో స్నేహం కారణంగా ప్రణయ్ పాథోలే పేరు ప్రపంచమంతా మారుమోగుతోంది.
ఇదిలా ఉంటే ట్విట్టర్ సంస్థానం కొనుగోలు చేసిన తర్వాత ఎలాన్ మస్క్ పై సర్వత్రా అసంతృప్తి చెలరేగుతుండగా, ప్రణయ్ మాత్రం తన స్నేహితుడు మస్క్ తరపున మాట్లాడుతున్నాడు. ఎలోన్ మస్క్‌ను సమర్థిస్తూ, అతను పొందుతున్న ద్వేషం "అన్యాయం" అని చెప్పాడు.
టెక్ దిగ్గజాన్ని "స్పూర్తి"గా పేర్కొంటూ, ప్రణయ్ పాథోల్ మస్క్ , ట్విట్టర్ ఖాతాలో ఇలా వ్రాశాడు: "ఎలోన్ మస్క్‌ను ద్వేషించడం తప్పు. ఈ తరంలోని గొప్ప ఇంజనీర్లలో ఎలోన్ ఒకరు వాతావరణ మార్పు, పునర్వినియోగ రాకెట్లు, AI రంగంలో తీవ్రంగా ప్రయత్నిస్తున్నారు. ఆయన స్ఫూర్తి’’ అని ప్రణయ్ అన్నారు.
ప్రణయ్ ఆగస్టులో మస్క్‌ని కలిశాడు
టాటా కన్సల్టెన్సీ సర్వీసెస్‌లో పనిచేస్తున్న టెకీప్రణయ్, ఈ ఏడాది ఆగస్టులో మస్క్‌ని కలవాలనే తన కలను సాకారం చేసుకున్నాడు. వీరిద్దరి మధ్య స్నేహం వందలాది ట్వీట్లు , ప్రైవేట్ సందేశాలకు విస్తరించింది.
ఎలోన్ మస్క్ 44 బిలియన్ డాలర్లకు కొనుగోలు చేసిన ట్విట్టర్‌ను నాటకీయంగా స్వాధీనం చేసుకున్న తర్వాత, టెస్లా బాస్ ఈ రోజు అతను దాని చీఫ్ ఎగ్జిక్యూటివ్‌గా వ్యవహరిస్తున్నారు .
రాకెట్ కంపెనీ స్పేస్‌ఎక్స్, బ్రెయిన్-చిప్ స్టార్టప్ న్యూరాలింక్ , టన్నెల్-బోరింగ్ సంస్థ బోరింగ్ కంపెనీని నడుపుతున్న మస్క్, గత వారం ట్విట్టర్ మాజీ చీఫ్ పరాగ్ అగర్వాల్ , ఇతర టాప్ కంపెనీ ఎగ్జిక్యూటివ్‌లను తొలగించారు.