పడిపోతున్న క్రూడాయిల్.. నేడు పెట్రోలు, డీజిల్ కొత్త ధరలు ఇవే.

గ్లోబల్ మార్కెట్‌లో క్రూడాయిల్ ధరల్లో ఈరోజు స్వల్ప తగ్గుదల చోటు చేసుకుంది. బ్రెంట్ క్రూడ్ శనివారం $ 1.19 (1.23 శాతం) తగ్గి బ్యారెల్ $ 95.77 డాలర్ల  వద్ద, WTI $ 1.18 (1.32 శాతం) బ్యారెల్ $ 87.90 వద్ద ఉంది. 

 గత కొన్ని నెలలుగా జాతీయ మార్కెట్‌లో ఇంధన ధరలు స్థిరంగా ఉన్నాయి.  ఇండియన్ ఆయిల్ కంపెనీలు ఈరోజు శనివారం అక్టోబర్ 29న దేశవ్యాప్తంగా పెట్రోల్, డీజిల్ తాజా ధరలను అప్‌డేట్ చేశాయి. భారత్‌లో నేటికీ పెట్రోల్‌-డీజిల్‌ ధరల్లో ఎలాంటి మార్పు లేదు. ఢిల్లీ, ముంబై, కోల్‌కతా, చెన్నై సహా దేశంలోని అన్ని నగరాల్లో వాహన ఇంధన ధరలు స్థిరంగా ఉన్నాయి.

  గ్లోబల్ మార్కెట్‌లో క్రూడాయిల్ ధరల్లో ఈరోజు స్వల్ప తగ్గుదల చోటు చేసుకుంది. బ్రెంట్ క్రూడ్ శనివారం $ 1.19 (1.23 శాతం) తగ్గి బ్యారెల్ $ 95.77 డాలర్ల  వద్ద, WTI $ 1.18 (1.32 శాతం) బ్యారెల్ $ 87.90 వద్ద ఉంది. 

హిమాచల్ ప్రదేశ్‌లో లీటర్ పెట్రోల్ ధర రూ.0.68 పెరిగి రూ.95.74కు, డీజిల్ ధర రూ.0.58 పెరిగి రూ.81.99కి చేరుకుంది. గుజరాత్‌లో పెట్రోలు లీటరుకు రూ.0.22 పెరిగి రూ.96.44కి, డీజిల్‌పై రూ.0.23 పెరిగి రూ.92.19కి చేరుకుంది. మరోవైపు బీహార్‌లో పెట్రోల్ ధర స్వల్పంగా పెరిగింది. దీంతో పాటు మహారాష్ట్ర, జార్ఖండ్‌లలో పెట్రోల్, డీజిల్ ధరలు తగ్గాయి. జార్ఖండ్‌లో పెట్రోల్ ధర రూ. 0.63 తగ్గి రూ. 100.13 వద్ద, డీజిల్ ధర రూ. 0.62 తగ్గి రూ. 94.93 వద్ద ఉంది.  

- ఢిల్లీలో పెట్రోల్ ధర  రూ. 96.72, డీజిల్ ధర  రూ. 89.62 
- ముంబైలో పెట్రోల్ ధర  రూ. 106.31, డీజిల్ ధర  రూ. 94.27 
- కోల్‌కతాలో పెట్రోల్ ధర  రూ. 106.03, డీజిల్ ధర  రూ. 92.76
- చెన్నైలో పెట్రోల్ ధర రూ. 102.63, డీజిల్ ధర లీటరుకు రూ. 94.24

ఈ నగరాల్లో కొత్త ధరలు
- నోయిడాలో పెట్రోల్ ధర రూ. 97, డీజిల్ ధర లీటరుకు రూ. 90.14.
–ఘజియాబాద్‌లో పెట్రోల్ ధర రూ. 96.58, డీజిల్ ధర లీటరుకు రూ. 89.75.
-లక్నోలో లీటర్ పెట్రోల్ ధర రూ.96.62, డీజిల్ ధర రూ.90.88.
-పాట్నాలో లీటర్ పెట్రోల్ ధర రూ.107.24, డీజిల్ ధర రూ.94.04గా ఉంది.
–పోర్ట్ బ్లెయిర్‌లో లీటరు పెట్రోల్ రూ.84.10, డీజిల్ రూ.79.74గా ఉంది.

ప్రతి రోజు ఉదయం 6 గంటలకు కొత్త రేట్లు జారీ
 ప్రతిరోజూ పెట్రోల్, డీజిల్ ధరలను సమీక్షిస్తారు. ఏవైనా మార్పులు ఉంటే కొత్త ధరలు ఉదయం 6 గంటల నుంచి వర్తిస్తాయి. పెట్రోల్, డీజిల్ ధరలకు ఎక్సైజ్ సుంకం, డీలర్ కమీషన్, వ్యాట్  ఇతర జోడించిన తర్వాత దాని ధర అసలు ధర కంటే దాదాపు రెట్టింపు అవుతుంది. పెట్రోల్‌, డీజిల్‌ ధరలు ఇంత ఎక్కువగా కనిపించడానికి ఇదే కారణం.