eMudhra Listing: ఈ ముద్ర లిస్టింగ్ అదుర్స్, ఒక్కో షేరుపై రూ. 15 లాభం..షేర్లు అలాట్ అయితే...ఇప్పుడేం చేయాలి

eMudhra Listing: డెలివరీ యాప్ తర్వాత మరో ఐపీవో కూడా సక్సెస్ ఫుల్ గా లిస్ట్ అయ్యింది. ప్రముఖ డిజిటల్ సిగ్నేచర్ సర్టిఫికేట్ ప్రొవైడర్ eMudhra నేడు స్టాక్ మార్కెట్‌లో ప్రీమియంతో లిస్ట్ అయ్యింది. IPO ఇష్యూ ధర రూ. 256 గా నిర్ణయించగా,  స్టాక్ ఎక్స్ చేంజీలో రూ. 271 ధరతో లిస్ట్ అయ్యింది. ఒక్కో షేరుపై 6 శాతం రాబడిని అందించింది.

eMudhra Listing: డిజిటల్ సిగ్నేచర్ సర్టిఫికేట్ ప్రొవైడర్ eMudhra ఈ రోజు అంటే జూన్ 1న స్టాక్ మార్కెట్‌లో ప్రీమియంతో లిస్ట్ చేయబడింది. IPO ఇష్యూ ధర రూ. 256 కాగా, ఈరోజు BSEలో రూ. 271 ధరతో లిస్ట్ అయ్యింది. అంటే, పెట్టుబడిదారులు లిస్టింగ్‌లో ప్రతి షేరుపై 6 శాతం లేదా 15 రూపాయల రాబడిని పొందారు. ఇష్యూ పరిమాణం దాదాపు రూ. 413 కోట్లు కాగా, ప్రస్తుత మార్కెట్ పరిస్థితుల దృష్ట్యా పెట్టుబడిదారుల నుండి మంచి స్పందన వచ్చింది. లిస్టింగ్ తర్వాత స్టాక్‌కు సంబంధించి వ్యూహం ఎలా ఉండాలనే ప్రశ్న ఇప్పుడు తలెత్తుతుంది. లిస్టింగ్ లాభాలను బుక్ చేసుకోవాలా, లేక లాంగ్ టర్మ్ కోసం హోల్డ్ చేయాలా అనే ప్రశ్న తలెత్తుతుంది. 

ఇన్వెస్టర్లు ఏమి చేయాలి?
స్వస్తిక ఇన్వెస్ట్‌మార్ట్ లిమిటెడ్ ఈముద్ర ఇష్యూ ధర (eMudhra Listing) కంటే 6 శాతం ప్రీమియంతో లిస్ట్ అయ్యిందని రీసెర్చ్ హెడ్ సంతోష్ మీనా పేర్కొన్నారు. ఇష్యూకి ఇన్వెస్టర్ల నుండి మంచి స్పందన లభించింది, ఇష్యూ వాల్యుయేషన్ కూడా బాగానే ఉంది. eMudhra అనేది భారతదేశపు అతిపెద్ద లైసెన్స్ సర్టిఫైడ్ అథారిటీ. మైక్రోసాఫ్ట్, మొజిల్లా, Apple, Adobe వంటి ప్రసిద్ధ బ్రౌజర్‌లు  డాక్యుమెంట్ ప్రాసెసింగ్ సాఫ్ట్‌వేర్ కంపెనీలచే నేరుగా గుర్తింపు పొందిన ఏకైక భారతీయ కంపెనీ. ఇంకా, వెబ్‌ట్రస్ట్‌తో అనుబంధంగా ఉన్న ఏకైక భారతీయ సంస్థ eMudhra వారి డిజిటల్ సిగ్నేచర్ సర్టిఫికేట్‌లను ప్రపంచవ్యాప్తంగా ఉన్న బ్రౌజర్‌ల ద్వారా నేరుగా గుర్తించింది. ఇది అనేక దేశాలలో డిజిటల్ సిగ్నేచర్ సర్టిఫికేట్‌ల జారీని అనుమతిస్తుంది.

డేటా గోప్యత, డేటా రక్షణ, డిజిటల్ పరివర్తన కోసం పెరుగుతున్న డిమాండ్ దీర్ఘకాలికంగా కంపెనీ గణనీయంగా వృద్ధి చెందడానికి సహాయపడుతుంది. మీరు లాంగ్ టర్మ్ ఇన్వెస్టర్లు అయితే ఈ స్టాక్ మీ పోర్ట్‌ఫోలియోకు మంచి లాభాలను అందించే అవకాశం ఉంది. లిస్టింగ్ లాభం కోసం కొనుగోలు చేస్తే మాత్రం రూ. 260 స్టాప్ లాస్‌తో కొనసాగించవచ్చు.

ఐపీవోకు చక్కటి స్పందన
eMudhra యొక్క ప్రారంభ పబ్లిక్ ఆఫర్ (IPO) పెట్టుబడిదారుల నుండి మంచి స్పందనను అందుకుంది. ఇది మొత్తం 2.72 రెట్లు సబ్‌స్క్రయిబ్ పొందింది. NSE డేటా ప్రకారం, 412.79 కోట్ల రూపాయల ఈ IPO లో, 1,13,64,784 షేర్లకు గానూ 3,09,02,516 షేర్లకు బిడ్లు వచ్చాయి. IPOలో అర్హత కలిగిన సంస్థాగత కొనుగోలుదారుల (QIBలు) వాటా 4.05 రెట్లు సబ్‌స్క్రయిబ్ పొందగా, రిటైల్ వ్యక్తిగత పెట్టుబడిదారుల (RII) వర్గం 2.61 రెట్లు, నాన్-ఇన్‌స్టిట్యూషనల్ ఇన్వెస్టర్లు 1.28 రెట్లు సబ్‌స్క్రైబ్ చేయబడింది. ఇష్యూ కింద రూ.161 కోట్ల విలువైన కొత్త షేర్లు జారీ అయ్యాయి. అదనంగా, ప్రమోటర్లు ఇప్పటికే ఉన్న వాటాదారులు ఆఫర్-ఫర్-సేల్ (OFS) కింద 98.35 లక్షల షేర్లను విక్రయించారు.

ఫండ్ ఎక్కడ ఉపయోగించబడుతుంది
IPO ద్వారా వచ్చే ఆదాయాన్ని కంపెనీ రుణాన్ని చెల్లించడానికి, వర్కింగ్ క్యాపిటల్ అవసరాలను తీర్చడానికి, పరికరాలను కొనుగోలు చేయడానికి ఉపయోగిస్తుంది. ఇది కాకుండా, డేటా సెంటర్లను నిర్మించడానికి, ఉత్పత్తులను అభివృద్ధి చేయడానికి కూడా నిధులు ఉపయోగించబడతాయి.

కంపెనీ గురించి
eMdra అనేది FY21లో డిజిటల్ సిగ్నేచర్ సర్టిఫికేట్ మార్కెట్ లో 37.9 శాతం మార్కెట్ వాటాతో భారతదేశంలో అతిపెద్ద లైసెన్స్ ధృవీకరణ అథారిటీ. 2020 ఆర్థిక సంవత్సరంలో కంపెనీ మార్కెట్ వాటా 36.5 శాతం. వివిధ పరిశ్రమలలో పనిచేస్తున్న వ్యక్తులు, సంస్థలకు డిజిటల్ ట్రస్ట్ సేవలు, ఎంటర్‌ప్రైజ్ సొల్యూషన్‌లను అందించే వ్యాపారంలో కంపెనీ ఉంది.