అయ్యో పాపం...ఈ సమ్మర్ లో మందుబాబులు బీర్లు సరిగ్గా తాగలేదట...పడిపోయిన బీర్ సేల్స్..కారణం ఏంటంటే..?
By Krishna Adithya | First Published Jun 29, 2023, 10:28 PM ISTదేశ రాజధాని ఢిల్లీలో మద్యం ప్రియులు బీరుపై మోజు తగ్గించుకుంటున్నారు. దీంతో ఒక్కసారిగా ఈ వేసవి సీజన్లో బీర్ల సేల్స్ తగ్గిపోయాయి. ముఖ్యంగా బీరు తాగేందుకు జనం ఎక్కువగా ఇంట్రెస్ట్ చూపించడం లేదు. దీనికి గల కారణాలేంటో ఇప్పుడు తెలుసుకుందాం.
దేశ రాజధాని ఢిల్లీలో వేసవి సీజన్ లో గతేడాదితో పోలిస్తే ఈ ఏడాది బీర్ల విక్రయాలు 52 శాతం తగ్గాయి. వార్తల ప్రకారం, ఈ ఏడాది మేలో న్యూఢిల్లీలో 8.3 లక్షల లీటర్ల బీరు విక్రయించారు. గతేడాది మేలో 17.3 లక్షల లీటర్ల బీరు అమ్ముడుపోయింది. అంటే గతేడాదితో పోలిస్తే ఈ ఏడాది బీర్ల విక్రయాలు సగానికిపైగా పడిపోయాయి. ఢిల్లీ ప్రభుత్వ ఎక్సైజ్ డిపార్ట్‌మెంట్ ఢిల్లీలో బీర్ అమ్మకాలు బాగా తగ్గడానికి కారణాన్ని వివరించింది. పెరుగుతున్న ఉష్ణోగ్రతల వల్ల ప్రజలు బీర్ తాగే పరిమాణాన్ని తగ్గించే అవకాశం ఉందని పేర్కొంది. ఈ ఏడాది మే 31 వరకు మొత్తం 16 రోజుల పాటు ఢిల్లీలో ఉష్ణోగ్రత 40 డిగ్రీల సెల్సియస్‌కు చేరుకుంది.
మద్యం పరిశ్రమ వర్గాల సమాచారం ప్రకారం, బీర్ల అమ్మకాలు తగ్గడానికి చాలా కారణాలు ఉన్నాయి. బ్రాండ్ ప్రమోషన్ లేకపోవడం, వెరైటీ బ్రాండ్లు తక్కువగా ఉండడం, షాపుల్లో కోల్డ్ బీర్ ఎంపిక లేకపోవడం, స్టోర్లలో స్టాక్ తక్కువగా ఉండడం, బీర్ కంపెనీలు అధిక మార్జిన్ తో రాష్ట్రానికి బీర్ సరఫరా చేయడం వంటివి బీర్ల విక్రయాలు తగ్గుముఖం పట్టాయి. అన్నారు.
Latest Videos
2023 మొదటి ఐదు నెలల్లో ఢిల్లీలో 3.11 లక్షల లీటర్ల బీరు అమ్ముడైంది. గత ఏడాది ఇదే కాలంతో పోలిస్తే ఈ మొత్తం 43 శాతం కంటే తక్కువ. 2022తో పోలిస్తే ఈ ఏడాది బీరు విక్రయాలు 40 శాతం తగ్గాయి. ఢిల్లీలో 574 మద్యం దుకాణాలు, 900 హోటళ్లు, రెస్టారెంట్లు, క్లబ్బులు ఉన్నాయి.
వేసవిలో ఢిల్లీలో జరిగే మొత్తం మద్యం విక్రయాల్లో 1/3 వంతు బీర్ వాటానే ఉంటుంది. . అయితే, మద్యం విక్రయదారుల అభిప్రాయం ప్రకారం, ఢిల్లీలో ఇంకా ఎక్కువ బీర్లు విక్రయించే అవకాశం ఉంది. ఢిల్లీ ప్రతి సంవత్సరం దాదాపు ఆరు నెలల పాటు చాలా వేడిగా, తేమగా ఉంటుంది. అందుకే బీరుకు డిమాండ్‌ ఎక్కువ. అయితే 2022 మధ్య నుంచి మద్యం విక్రయాలకు సంబంధించి ఢిల్లీ ప్రభుత్వం అనుసరిస్తున్న విధానాల కారణంగా బీరు విక్రయాలు తగ్గుముఖం పట్టాయని మద్యం విక్రయదారుల సంస్థలు ఆరోపించాయి.
ఢిల్లీలో బీర్ నిల్వలు తక్కువగా ఉండడంతో హర్యానా, ఉత్తరప్రదేశ్ సరిహద్దుల నుంచి ప్రజలు ఎక్కువగా బీరును కొనుగోలు చేస్తున్నారు. దీంతో ఆయా రాష్ట్రాల్లో ఏటా 15-20% బీర్ల విక్రయాలు పెరుగుతున్నాయి. ఢిల్లీలో అధిక ఉష్ణోగ్రతలు, వేసవి సెలవుల కారణంగా, ప్రజలు పెద్ద సంఖ్యలో హిల్ స్టేషన్లు, ఇతర చల్లని ప్రదేశాలకు తరలివెళుతున్నారు. దీంతో ఢిల్లీలో బీర్‌కు డిమాండ్‌ తగ్గిందని మద్యం కంపెనీల అధికారులు తెలిపారు. ప్రస్తుతం ఢిల్లీలోని కొన్ని దుకాణాలు నిర్దిష్ట బ్రాండ్ల విక్రయాలను ప్రోత్సహిస్తున్నాయని ఎక్సైజ్ శాఖ అధికారి ఒకరు తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి