వందే భారత్ రైళ్ల ఆర్డర్‌ను సొంతం చేసుకున్న BHEL..ఒక్కో రైలుకు రూ. 120 కోట్ల చొప్పున మొత్తం 80 రైళ్లకు ఆర్డర్

భారత ప్రభుత్వ సంస్థ భారత హెవీ ఎలక్ట్రికల్స్ లిమిటెడ్ (భెల్) వందేభారత్ రైళ్ల సరఫరా ఆర్డర్‌ను చేజిక్కించుకుంది. ఒక్కో రైలుకు రూ. 120 కోట్ల చొప్పున మొత్తం రూ.9600 కోట్ల ఆర్డర్‌ను సొంతం చేసుకుంది. 

దేశంలోని మొట్టమొదటి సెమీ-హై స్పీడ్ వందే భారత్ ఎక్స్‌ప్రెస్ ప్రయాణికులను ఆకర్షిస్తోంది. ఢిల్లీ-బనారస్ మధ్య మొదలైన వందే భారత్ ఇప్పుడు దాదాపు డజనుకు పైగా రూట్లలో నడుస్తోంది. మరోవైపు వందేభారత్ ఎక్స్‌ప్రెస్‌లో భారీ మార్పులకు రైల్వే శాఖ సన్నాహాలు చేస్తోంది. ఇప్పటి వరకు వందే భారత్‌లో కేవలం సిట్టింగ్ కోచ్‌ను మాత్రమే చేర్చారు. అయితే త్వరలో వందే భారత్‌లో స్లీపర్ కోచ్‌లు కూడా కనిపించబోతున్నాయి. 

ప్రభుత్వ యాజమాన్యంలోని భారత్ హెవీ ఎలక్ట్రికల్స్ లిమిటెడ్ (BHEL) నేతృత్వంలోని కన్సార్టియం భారతీయ రైల్వే కోసం 80 స్లీపర్ తరగతులకు కాంట్రాక్టును గెలుచుకుంది. కాంట్రాక్ట్ మొత్తం రూ.9,600 కోట్ల కంటే ఎక్కువ. భారతీయ రైల్వేలకు 80 స్లీపర్ క్లాస్‌లను సరఫరా చేస్తోంది. 

ఈ మార్గాల్లో కూడా రైలు ప్రారంభించవచ్చు 
భారతీయ రైల్వేలో స్లీపర్ క్లాస్‌కు విపరీతమైన డిమాండ్ ఉంది. ముఖ్యంగా ఢిల్లీ-ముంబై, ఢిల్లీ-హౌరా వంటి పొడవైన మార్గాలలో వీటిని నడపవచ్చని చెబుతున్నారు. ప్రస్తుతం నడుస్తున్న అన్ని వందే భారత్ రైళ్లలో చైర్ కార్, స్పెషల్ చైర్ కార్ క్లాసులు మాత్రమే ఉన్నాయి. 

80 వందే భారత్ రైళ్లకు ఒప్పందం 
భారతీయ రైల్వేల నుంచి 80 వందే భారత్ రైళ్ల కాంట్రాక్టును బీహెచ్‌ఈఎల్ నేతృత్వంలోని కన్సార్టియం చేజిక్కించుకున్నట్లు కంపెనీ మంగళవారం స్టాక్ మార్కెట్‌కు తెలియజేసింది. దీని కింద పన్నులు, సుంకాలు మినహాయిస్తే ఒక్కో రైలు సరఫరా విలువ రూ.120 కోట్లుగా పేర్కొంది. స్టాక్ మార్కెట్ కు ఇచ్చిన సమాచారం ప్రకారం.. 35 ఏళ్ల పాటు మెయింటెనెన్స్ కాంట్రాక్ట్ కూడా ఇచ్చారు. BHEL 72 నెలల్లో 80 రైళ్లను సరఫరా చేస్తుంది. బీహెచ్‌ఈఎల్‌తో కలిసి భారతీయ రైల్వేల మెగా టెండర్‌లో రైల్వే మంత్రిత్వ శాఖ నుండి టిటాగర్ వ్యాగన్స్ ఆర్డర్‌ను పొందింది. ఈ క్రమంలో ఒక్కో రైలుకు రూ.120 కోట్ల చొప్పున 80 వందేభారత్ రైళ్లను కన్సార్టియం సరఫరా చేయాల్సి ఉంది.