ట్విట్టర్ ఎంప్లాయిస్‌కు షాకిచ్చిన ఎలాన్ మస్క్ , ఇక నో వర్క్ ఫ్రం హోం...ముందుంది మొసళ్ల పండగ అంటూ ఈ మెయిల్...

ట్విట్టర్ కొత్త బాస్ ఎలాన్ మస్క్ తమ ఎంప్లాయిస్ కు చుక్కలు చూపిస్తున్నారు. అంతేకాదు ఉద్యోగులందరికీ మాస్కో స్వయంగా ఈమెయిల్ పెట్టాడు అందులో కష్ట సమయాలకు సిద్ధంగా ఉండండి. అంటూ కోట్ చేశాడు.

ఎలాన్  మస్క్ ట్విట్టర్‌ని కొనుగోలు చేసినప్పటి నుండి, ఇది వివిధ కారణాల వల్ల వార్తల్లో ఉంది. తాజాగా ట్విట్టర్ వేల మంది ఉద్యోగులకు తొలగిస్తున్నట్లు వార్తలు వచ్చాయి. ఇప్పుడు ట్విటర్ , కొత్త యజమాని, ఎలాన్  మస్క్, "ముందుకు వచ్చే క్లిష్ట సమయాలకు" సిద్ధం కావడానికి తన సిబ్బందికి తన మొట్టమొదటి ఇమెయిల్‌ను పంపారు. ట్విట్టర్ వంటి ప్రకటనల-ఆధారిత కంపెనీ ఉద్యోగులకు గడ్డుకాలం వచ్చినట్లు బ్లూమ్‌బెర్గ్ న్యూస్ నివేదించింది. దీనితో పాటు మస్క్ కూడా పలు మార్పులు చేర్పులు చేస్తున్నాడు.

Twitterలో ఉన్న రిమోట్ వర్క్ లేదా వర్క్ ఫ్రమ్ ఎనీవేర్ విధానం ఇకపై అనుమతించబడదని సందేశం ఇచ్చాడు. ప్రతి సిబ్బంది వారానికి కనీసం 40 గంటలపాటు కార్యాలయంలో ఉండాలన్నారు. అయితే, ఎలాన్  మస్క్ ట్విటర్‌ను టేకోవర్ చేసిన సరిగ్గా 2 వారాల తర్వాత ప్రస్తుత సిబ్బందికి మెయిల్ పంపారు. 

 ఎలాన్  మస్క్ నాయకత్వంలో ఇప్పటికే సగం మంది కార్మికులు తమ ఉద్యోగాలను కోల్పోయారు. ట్విట్టర్ సీఈవోతో సహా చాలా మంది ఎగ్జిక్యూటివ్ ఆఫీసర్లను తొలగించారు. భారతదేశంలో కూడా దాదాపు మూడొంతుల మంది ఉద్యోగులను తొలగించారు. 

ఇంతలో, ఎలాన్  మస్క్, Twitter ప్రతి బ్లూ టిక్ సబ్‌స్క్రిప్షన్‌కు 8 డాలర్లు వసూలు చేస్తుందని, యూజర్ వెరిఫికేషన్ జోడించబడిందని ప్రకటించారు. అలాగే, ఎలాన్  మస్క్ తన సిబ్బందికి ట్విట్టర్ ఆదాయంలో సగభాగాన్ని సబ్‌స్క్రిప్షన్‌ల ఖాతాలో చూడాలనుకుంటున్నట్లు ఒక ఇమెయిల్‌లో తెలిపినట్లు తెలిసింది. 

చాలా మంది ఉద్యోగులు ఉద్యోగాలు కోల్పోయిన తర్వాత భావోద్వేగానికి గురై తమ కష్టాలను పోస్టుల ద్వారా పంచుకున్నారు. ఎలాంటి నోటీసులు లేకుండా హఠాత్తుగా మా ఉద్యోగాన్ని తొలగించారని వారు పేర్కొన్నారు. 8 నెలల గర్భిణి, మరో బిడ్డకు తల్లి అయిన ట్విటర్ ఉద్యోగి రేచెల్ బాన్‌ను కూడా అదే విధంగా తొలగించారు.

ఎలాన్  మస్క్ లేఆఫ్ నోటీసును ఇ-మెయిల్ ద్వారా ప్రకటించిన తర్వాత, ఎలాన్  మస్క్ తన లేఆఫ్ నోటీసును ప్రకటించిన కొన్ని గంటల తర్వాత తన ఆఫీసు ల్యాప్‌టాప్‌కు యాక్సెస్ రాత్రిపూట తొలగించబడిందని (కంపెనీ వెబ్‌సైట్ లాగిన్ తీసివేయబడింది) అని రాచెల్ తమగా ట్వీట్ చేసింది. అలాగే, గర్భవతి  రేచెల్ బాన్ 9 నెలల గర్బం మోస్తున్న ఫోటోను పోస్ట్ చేసింది. 

ఎలాన్  మస్క్ కంపెనీని లాభదాయకంగా నడిపేందుకు 50 శాతం మంది ఉద్యోగులను తొలగించాలని తన ప్రణాళికను ప్రకటించారు. 'ఇది ప్రజల పట్ల అమానవీయంగా ప్రవర్తించి, అన్ని వైపుల నుంచి లబ్ధి పొందేందుకు ప్రణాళికలు రచిస్తున్నారని' తొలగించిన ఉద్యోగులు ఆవేదన వ్యక్తం చేశారు.

ఎలాన్  మస్క్ నిర్ణయం తీసుకున్న వెంటనే ఉద్యోగాలు కోల్పోయిన చాలా మంది ట్విట్టర్‌లో తమ అసంతృప్తిని వ్యక్తం చేశారు. వన్‌టీమ్ హ్యాష్‌ట్యాగ్ ద్వారా తమ బాధను పంచుకున్నారు.