Multibagger Stock: జస్ట్ 1 లక్ష మీవి కాదనుకొని, ఈ స్టాక్లో ఇన్వెస్ట్ చేసి ఉంటే రూ.2.45 కోట్లు మీ సొంతం
సారాంశం
Multibagger Stock: దేశీయ కార్పోరేట్ దిగ్గజం బజాజ్ గ్రూపునకు చెందిన బజాజ్ ఫైనాన్స్ గడిచిన కొన్ని సంవత్సరాలుగా మల్టీ బ్యాగర్ లాభాలను అందిస్తోంది. ఈ స్టాక్ గడిచిన 12 సంవత్సరాల్లో దాదాపు 24,400 శాతం లాభాలను అందించింది. అంటే ఈ స్టాక్ 1 లక్ష పెట్టుబడి పెడితే దాదాపు 2.45 కోట్లు మీ సొంతం అయ్యేవి.
Multibagger Stock: స్టాక్ మార్కెట్లో మల్టీ బ్యాగర్ స్టాక్స్ కోసం ఇన్వెస్టర్లు కళ్లు కాయలు కాచేలా వెతుకుతుంటారు. ఇందుకోసం అనేక మంది సలహాలు, సూచనలు తీసుకుంటారు. కానీ మల్టీ బ్యాగర్ స్టాక్స్ అనేవి చాలా అరుదైన సందర్భాల్లో మారుతుంటాయి. కానీ చాలా మందిలో ఈ తరహా స్టాక్స్ గా కేవలం పెన్నీ స్టాక్స్ మాత్రమే మారుతాయనే అపోహ ఉంది. మంచి ఫండమెంటల్స్ ఉన్న లార్జ్ క్యాప్ కంపెనీలు కూడా మల్టీ బ్యాగర్లుగా మారే అవకాశం ఉంది. అలాంటి స్టాక్ గురించి తెలుసుకుందాం.
బజాజ్ ఫైనాన్స్. (Bajaj Finance share):
ఈ స్టాక్ చాలా కాలం పాటు దాని ఇన్వెస్టర్ల సొమ్ముకు కోట్లాది రూపాయల రిటర్న్ అందించింది. దేశీయ దిగ్గజ కంపెనీ బజాజ్ గ్రూప్ నకు చెందిన ఈ స్టాక్ 11 ఫిబ్రవరి 2010న రూ. 29.18 నుండి మార్చి 21, 2022న NSEలో రూ.6,948 వద్ద ట్రేడవుతోంది. దాదాపు 12 ఏళ్లలో ఈ స్టాక్ 24,400 శాతం రాబడిని ఇచ్చింది.
షేర్ ధర ఎంత హెచ్చుతగ్గులకు లోనైంది?
నాన్-బ్యాంకింగ్ ఫైనాన్స్ కంపెనీ (NBFC) యొక్క ఈ స్టాక్ గత రెండు నెలలుగా అమ్మకాల ఒత్తిడిలో ఉంది. ఈ కాలంలో ఈ స్టాక్ దాదాపు రూ.7,750 నుంచి రూ.6,948కి పడిపోయింది. ఈ కాలంలో 15 శాతం క్షీణతను నమోదు చేసింది. గత 6 నెలల్లో, బజాజ్ ఫైనాన్స్ షేర్లు దాదాపు రూ.6,225 నుంచి రూ.7,148కి పెరిగాయి. ఈ కాలంలో 15 శాతం పెరిగింది.
ఐదేళ్లలో షేర్ ధర రూ.1090 నుంచి రూ.7148కి చేరుకుంది
గత ఏడాది కాలంలో షేరు ధర దాదాపు రూ.5,500 నుంచి రూ.7,148కి పెరిగింది. దీని కారణంగా ఇన్వెస్టర్లు 30 శాతం రాబడిని పొందారు. అదేవిధంగా, బజాజ్ ఫైనాన్స్ షేరు ధర గత 5 సంవత్సరాలలో రూ.1,090 నుండి రూ.7,148కి పెరిగింది. ఈ కాలంలో 575 శాతం పెరిగింది.
12 ఏళ్లలో 245 రెట్లు పెరిగిన స్టాక్స్
అదేవిధంగా, గత 10 సంవత్సరాలలో, ఈ మల్టీబ్యాగర్ స్టాక్ రూ. 79.20 నుండి రూ. 7,148కి పెరిగింది, గత దశాబ్దంలో దాదాపు 90 రెట్లు వృద్ధిని నమోదు చేసింది. అయితే, గత 12 ఏళ్లలో స్టాక్ దాదాపు 245 రెట్లు పెరిగింది.
1 లక్ష పెట్టుబడి రూ.2.45 కోట్లు అయ్యేవి...
ఒక ఇన్వెస్టర్ 1 సంవత్సరం క్రితం బజాజ్ గ్రూప్ యొక్క ఈ షేర్లో రూ. 1 లక్ష పెట్టుబడి పెట్టి ఉంటే, అప్పుడు అతని రూ. 1 లక్ష ఈ రోజు రూ. 1.29 లక్షలుగా ఉండేది. ఒక ఇన్వెస్టర్ 5 సంవత్సరాల క్రితం ఈ మల్టీబ్యాగర్ స్టాక్లో రూ. 1 లక్ష పెట్టుబడి పెట్టినట్లయితే, ఈ రోజు అతని రూ. 1 లక్ష రూ. 6.75 లక్షలుగా మారింది.
అదే విధంగా, ఒక ఇన్వెస్టర్ 10 సంవత్సరాల క్రితం ఈ మల్టీబ్యాగర్ స్టాక్లో పెట్టుబడి పెట్టి, 2022 వరకు పెట్టుబడిని ఉంచినట్లయితే, అతని రూ. 1 లక్ష ఈ రోజు 90 లక్షల లక్షలు అవుతుంది. కాగా గత 12 ఏళ్లలో లక్ష పెట్టుబడి 2.45 కోట్ల రూపాయలుగా మారి ఉండేది.