LIC IPO: నేటి నుంచి ఎల్ఐసీ ఐపీవో ప్రారంభం..ఈ రెండు రోజులు వీళ్లకు మాత్రమే అప్లై చేసుకునే అవకాశం..

నేటి నుంచి ఎల్ఐసీ ఐపీవో ప్రారంభం కానుంది. అయితే మే 4 నుంచి ప్రారంభం కానున్న ఈ మెగా ఐపీవోలో నేటి నుంచి అంటే మే 2 నుంచి ఎంపిక చేసిన ఇన్వెస్టర్లు మాత్రం రెండు రోజుల ముందుగానే డిస్కౌంట్ ధరకే ఐపీవో కోసం దరఖాస్తు చేసుకోవచ్చు. 

ప్రభుత్వ రంగ బీమా కంపెనీ లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) ప్రతిపాదిత ప్రారంభ పబ్లిక్ ఆఫర్ (IPO) కోసం దేశీయ, విదేశీ 25 మందికి పైగా యాంకర్ ఇన్వెస్టర్లు ఆసక్తిని కనబరిచారు. మార్కెట్ నుండి రూ. 21,000 కోట్లను సమీకరించడానికి ప్రభుత్వం ఎల్‌ఐసిలో తన 3.5 శాతం వాటాను విక్రయించనుంది. నేటి నుంచి పాలసీదారులకు, ఉద్యోగులకు ఎల్ఐసీ ఐపీవో దరఖాస్తు చేసుకునే అవకాశం కల్పించారు. అంతేకాదు వీరికోసం ప్రైస్ బ్యాండ్ పై డిస్కౌంట్ కూడా ప్రకటించారు.  1956లో ఎల్‌ఐసీ ఏర్పడే సమయంలో కేంద్ర ప్రభుత్వం రూ.5 కోట్ల ప్రాథమిక పెట్టుబడి పెట్టింది.

35 శాతం వాటా యాంకర్ ఇన్వెస్టర్లకు రిజర్వ్ చేశారు. 
వార్తల ప్రకారం, LIC IPO నిర్వహణ కోసం నియమించబడిన సంస్థల్లో ఒక అధికారి మాట్లాడుతూ, ఇష్యూ సమయంలో 50 శాతం షేర్లను యాంకర్ పెట్టుబడిదారులతో సహా అర్హతగల సంస్థాగత పెట్టుబడిదారుల(QIP) కోసం కేటాయించారు. క్యూఐపీ కోసం రిజర్వ్ చేసిన షేర్లలో 35 శాతం యాంకర్ ఇన్వెస్టర్ల కోసం రిజర్వ్ చేసిందని అధికారి తెలిపారు. యాంకర్ ఇన్వెస్టర్ల కోసం మే 2 అంటే నుంచి ఇష్యూ తెరిచి ఉంటుంది. LIC ఇష్యూలో, 35 శాతం షేర్లు రిటైల్ ఇన్వెస్టర్లకు, 15 శాతం షేర్లు ఉన్నత స్థాయి (HNI) వ్యక్తులకు 10 శాతం పాలసీ హోల్డర్లకు రిజర్వ్ చేశామని అధికారి తెలిపారు.

ఎల్‌ఐసీలో ప్రభుత్వ వాటా 51 శాతానికి తగ్గదు
LIC (లైఫ్ ఇన్సూరెన్స్ కార్పొరేషన్ ఆఫ్ ఇండియా) మేనేజింగ్ డైరెక్టర్ సిద్ధార్థ మొహంతి విలేకరులతో మాట్లాడుతూ, IPO (ఇనీషియల్ పబ్లిక్ ఆఫర్) ద్వారా ప్రభుత్వ వాటాలో కొంత తగ్గింపు ఉన్నప్పటికీ, LIC చట్టంలోని సెక్షన్ 37 ప్రకారం ప్రభుత్వం నియంత్రణలో కొనసాగుతుంది. ఎల్‌ఐసీ ఐపీఓలో ప్రభుత్వ వాటా 51 శాతానికి తగ్గదని చెప్పారు. ఎల్‌ఐసీ తరపున కొత్త షేర్లను జారీ చేసే విధానాన్ని ప్రభుత్వం అనుసరించడం లేదని ఒక ప్రశ్నకు సమాధానంగా మొహంతి చెప్పారు. బదులుగా ప్రస్తుతం ఉన్న షేర్లను మాత్రమే విక్రయించాలని నిర్ణయించుకుంది.

ఎల్‌ఐసీ వద్ద తగినంత నగదు ఉంది
గత రెండేళ్లలో ఎల్‌ఐసీ నుంచి కేంద్రం డివిడెండ్ తీసుకోలేదని, రూ.5,600 కోట్లు కూడా వెనక్కి ఇచ్చిందని మహంతి తెలిపారు. ఈ విధంగా LIC (LIC IPO) వద్ద తగినంత నగదు ఉంది. IPO తర్వాత, LIC తొమ్మిది మంది స్వతంత్ర డైరెక్టర్లతో కూడిన ప్రొఫెషనల్ బోర్డ్ ఆఫ్ డైరెక్టర్లచే నిర్వహించబడుతుంది. మొహంతి ప్రకారం, చైర్మన్ పదవి 2024 సంవత్సరం వరకు ఉంటుంది. ఆ తర్వాత మేనేజింగ్ డైరెక్టర్, చీఫ్ ఎగ్జిక్యూటివ్ ఆఫీసర్ (CEO) పోస్టుల భర్తీ  చేయబడుతుంది.