మరోసారి మార్కెట్లోకి హార్లీ డేవిడ్ సన్ బైక్స్...ఈ సారి హీరో మోటోకార్ప్ తో కలిసి రయ్ రయ్ అంటూ రోడ్డెక్కుతోంది..
By Krishna Adithya | First Published Jul 8, 2023, 4:15 PM ISTహీరో మోటార్ సంస్థ తాజాగా ప్రీమియం సెగ్మెంట్లో అడుగు పెట్టేందుకు సిద్ధం అవుతుంది. ఇందులో భాగంగా కంపెనీ రెండు మోడల్స్ ను విడుదల చేసేందుకు తయారవుతుంది. ఇందులో ప్రముఖ అంతర్జాతీయ బ్రాండ్ హార్లీ డేవిడ్సన్ కూడా ఉండటం విశేషం. ఈ రెండు మోడల్స్ గురించి ఇప్పుడు తెలుసుకుందాం
దేశీయ ద్విచక్ర వాహనాల తయారీలో అగ్రగామిగా ఉన్న హీరో మోటోకార్ప్ భారతీయ మార్కెట్ కోసం పెద్ద ప్రణాళికను సిద్ధం చేస్తోంది. . ప్రీమియం మోటార్‌సైకిల్ సెగ్మెంట్లో తమ ఉనికిని చాటుకోవాలనే లక్ష్యంతో కంపెనీ రానున్న మూడు, నాలుగేళ్లలో నాలుగు కొత్త మోడళ్లను విడుదల చేయనుంది. రాబోయే హీరో ప్రీమియం బైక్‌లు కోర్ ప్రీమియం, అప్పర్ ప్రీమియం అనే రెండు విభిన్న వర్గాలలోకి వస్తాయి. ప్రస్తుతం, కంపెనీ మూడు ప్లాట్‌ఫారమ్‌లపై పనిచేస్తోందని సమాచారం. ఇవి కొత్త కరిజ్మా XMR 210 బైక్ యువతను ఉద్దేశించి మార్కెట్లోకి తెస్తోంది. దీనికి 210cc లిక్విడ్-కూల్డ్ ఇంజన్, 420cc లిక్విడ్-కూల్డ్ ప్రత్యేకతగా చెప్పవచ్చు. అలాగే మరోవైపు హార్లే-డేవిడ్సన్ X440 బైక్ ద్వారా ప్రీమియం మార్కెట్ పై హీరో కన్నేసింది. ఇందులో 440cc ఆయిల్-కూల్డ్ మోటార్ తో మార్కెట్లోకి అడుగుపెడుతోంది.
ప్రీమియం మోటార్‌సైకిల్ సెగ్మెంట్ వృద్ధిలో హార్లీ-డేవిడ్సన్ కీలక పాత్ర పోషిస్తుందని హీరో మోటోకార్ప్ చైర్మన్ పవన్ ముంజాల్ ఇటీవల తెలిపారు. హార్లే-డేవిడ్‌సన్‌తో కలిసి తొలిసారిగా తాము సంయుక్తంగా అభివృద్ధి చేసిన హార్లీ ఎక్స్440కి కొనుగోలుదారుల నుంచి మంచి స్పందన లభిస్తే, ప్రపంచవ్యాప్తంగా విస్తరించే అవకాశం ఉందని ఆయన తెలిపారు. హార్లే-డేవిడ్సన్ X440 ప్లాట్‌ఫారమ్‌పై ఆధారపడిన హీరో కొత్త ప్రీమియం బైక్ ఈ ఆర్థిక సంవత్సరం నాలుగో త్రైమాసికంలో (అంటే, 2024 ప్రారంభంలో) విడుదల చేయనున్నట్లు ముంజాల్ వెల్లడించారు.
Latest Videos
undefined
రాబోయే హీరో ప్రీమియం బైక్‌కు ఎక్స్‌ట్రీమ్ 440ఆర్ అని పేరు పెట్టవచ్చని కంపెనీ వర్గాలు సూచిస్తున్నాయి. మోడల్ తన పవర్‌ట్రెయిన్‌ను హార్లే-డేవిడ్సన్ X440తో పంచుకుంటుంది, ఇది 440cc సింగిల్-సిలిండర్, 2-వాల్వ్, ఆయిల్-కూల్డ్ ఇంజన్‌ను ఉపయోగిస్తుంది. 6-స్పీడ్ గేర్‌బాక్స్‌తో జతచేయబడిన ఈ ఇంజన్ 27bhp శక్తిని మరియు 38Nm టార్క్‌ను అందిస్తుంది. కొత్త Hero Extreme 440R దాని డిజైన్ అంశాలు మరియు ఫీచర్లను Harley-Davidson X440తో పంచుకోవచ్చని భావిస్తున్నారు.
Hero Motor Corp రాబోయే నెలల్లో పూర్తిగా కరిజ్మా XMR 210ని విడుదల చేయడానికి సిద్ధంగా ఉంది. మోడల్ పూర్తిగా కొత్త డిజైన్ లాంగ్వేజ్‌ను షార్ప్ ఫ్రంట్ మరియు పొడవాటి హ్యాండిల్‌బార్లు మరియు సొగసైన టెయిల్ ప్రొఫైల్‌తో కలిగి ఉంది. పవర్ కోసం, బైక్ 210cc సింగిల్-సిలిండర్, లిక్విడ్-కూల్డ్ ఇంజన్‌తో పనిచేస్తుంది. ఈ ఇంజన్ 25 bhp మరియు 30 Nm టార్క్ ఉత్పత్తి చేస్తుంది
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి