వర్షాకాలంలో కారు ఎలా నడపాలి.. ఈ జాగ్రత్తలు మిమ్మలి ప్రమాదాలను నుండి దూరంగా ఉంచుతాయి

వర్షంలో రోడ్డు ప్రమాదాలు  జరగకుండా ఉండేందుకు కొన్ని ముఖ్యమైన జాగ్రత్తలు అలాగే వాటితో  పాటు మీ కారులో ఎల్లప్పుడూ ఉండవలసిన ముఖ్యమైన వస్తువుల గురించి మీకోసం..  

దేశంలోని పలు ప్రాంతాల్లోకి రుతుపవనాలు ప్రవేశించాయి. వర్షం కారణంగా ఎండ వేడి నుండి కొందరికి ఉపశమనం లభించగా, మరికొంత మందికి విపత్తుగా మారింది. అయితే వర్షపు కాలం రోజుల్లో రోడ్లపై డ్రైవింగ్ చేయడం కొంచెం కష్టంగా ఉంటుంది, అలాంటి సందర్భంలో అజాగ్రత్త ప్రమాదకరంగా మారవచ్చు. భారీ వర్షం పడుతున్నప్పుడు డ్రైవింగ్ చేసేటప్పుడు చాలా జాగ్రత్తగా ఉండాలి. వర్షంలో రోడ్డు ప్రమాదాలు  జరగకుండా ఉండేందుకు కొన్ని ముఖ్యమైన జాగ్రత్తలు అలాగే వాటితో  పాటు మీ కారులో ఎల్లప్పుడూ ఉండవలసిన ముఖ్యమైన వస్తువుల గురించి మీకోసం..

వర్షంలో డ్రైవింగ్ చేసేటప్పుడు 
వర్షంలో డ్రైవ్ చేయడం వల్ల కారు జారే లేదా స్కిడ్ అయ్యే ప్రమాదం ఉంది. అందువల్ల వర్షాకాలం ప్రారంభంలో మీరు మీ కారు టైర్ల గ్రిప్‌ని చెక్ చేసుకోవాలి. కారు టైర్ అరిగిపోయినట్లయితే వెంటనే దాన్ని మార్చండి. వర్షాకాలంలో రోడ్లు తడిసిపోవడం వల్ల వాహనం జారిపోయే ప్రమాదం ఉంది. అలాగే వర్షాకాలంలో గుంతల్లో బురద, నీరు నిండిపోవడంతో కారు పాత టైర్లు కూడా ఇబ్బందులకు గురిచేయవచ్చు. 

కార్ సర్వీసింగ్
సాధారణ రోజులతో పోలిస్తే వర్షాకాలంలో వాహనంలో లోపాలు ఎక్కువగా ఉంటాయి. వర్షాకాలంలో డ్రైవింగ్ చేయడానికి ముందు మీ కారును సర్వీసింగ్ చేయండి. అలాగే భారీ వర్షంలో డ్రైవింగ్ చేసినా కారు డ్యామేజ్ అవుతుందన్న ఆందోళన తప్పదు. 

బ్రేకులు
 వర్షాకాలంలో ఎవరైనా బ్రేక్‌లను ఎలా మర్చిపోగలరు. అయితే ఎల్లప్పుడూ బ్రేక్‌లను చెక్ చేయాలి. అయితే వర్షాకాలంలో కారు బ్రేకులను చెక్ చేసుకోవడం చాలా ముఖ్యం. వర్షాకాలంలో రోడ్లపై బ్రేకులు వేయడం కాస్త కష్టం. సరైన సమయంలో బ్రేక్‌లు వేయాలంటే క్రమం తప్పకుండా చెక్ చేయడం అవసరం. 

అవసరమైన టూల్స్ 
వర్షాకాలంలో అవసరమైన టూల్స్,  అక్సెసోరిస్ మీ వాహనంలో ఉండాలి. మెడికల్ కిట్, USB ఛార్జర్, టార్చ్, రోప్, పవర్ బ్యాంక్‌తో పాటు అవసరమైన టూల్స్ మీ కారులో ఉంచండి. అంతేకాకుండా చిప్స్, బిస్కెట్లు వంటి స్నాక్స్ ప్యాకెట్లను కారు లోపల ఉంచండి. మీ కారు మార్గం మధ్యలో చెడిపోయినట్లయితే సహాయం కోసం కాల్ చేయడానికి, ఎక్కువ సమయం గడపడానికి మీ వద్ద కొంత ఆహారం, డివైజెస్ ఉండాలి.