ఆంధ్రప్రదేశ్ బడ్జెట్ 2019: ముఖ్యాంశాలు

రాష్ట్రాభివృద్ధి కోసం అవసరమయ్యే వివిధ ప్రణాళికలను రూపొందించే రాష్ట్ర ప్రణాళికా సంస్థకు రూ.1,403.17 కోట్లు .

ఎనిమిది, తొమ్మిదో తరగతి చదువుతున్న విద్యార్థులకు మధ్యాహ్న భోజన పథకాన్ని అమలు చేసేందుకు గాను రూ. 156 కోట్లు

రియల్ టైమ్ గవర్నెన్స్ కేంద్రానికి రూ. 172 కోట్లు

డ్వాక్రా మహిళలకు వడ్డీలేని రుణాలు మంజూరు చేసేందుకు వీలుగా రూ. 1100 కోట్లు . 

ముఖ్యమంత్రి యువనేస్తం పథకం కింద రూ. 1200 కోట్లు

రాష్ట్రంలో పెద్ద సంఖ్యలో ఉన్న కాపుల సంక్షేమం కోసం నెలకొల్పబడిన కాపు కార్పోరేషన్ నిమిత్తం రూ. 1000 కోట్లు

రాష్ట్ర వ్యాప్తంగా చేనేత రంగంపై ఆధారపడి ఎంతో మంది జీవిస్తున్నారు. ఈ రంగం తిరిగి గాడిన పడేందుకు గాను రూ. 225 కోట్లు 

రాష్ట్రంలో రైల్వే హెల్ప్‌లైన్ ఏర్పాటు కోసం రూ. 180 కోట్లు

ఎన్ఆర్ఈజీఎస్ కింద రూ. 1000 కోట్లు
 

నవ్యాంధ్ర రాజధాని అమరావతి ల్యాండ్ పూలింగ్ కోసం రూ. 226 కోట్లు

* వయసు పైబడి జీవనాధారం కోల్పోయిన డప్పు కళాకారుల పెన్షన్ కోసం రూ. 108 కోట్లు

* ఎయిడ్స్ ‌వ్యాధిగ్రస్తుల పెన్షన్ల కోసం రూ. 100 కోట్లు 

* వృద్ధులు, వితంతువుల పెన్షన్ల నిమిత్తం రూ.10,401.05 కోట్లు

* వికలాంగుల పెన్షన్ల కోసం రూ. 2,133.62 కోట్లు

ఆర్యవైశ్యుల సంక్షేమం కోసం నెలకొల్పిన వైశ్య కార్పోరేషన్‌కు రూన 50 కోట్లను కేటాయించారు.

బ్రాహ్మణుల సంక్షేమానికి నెలకొల్పిన బ్రాహ్మణ కార్పోరేషన్‌కు రూ.100 కోట్లను కేటాయించారు

విదేశాల్లో ఉన్నత విద్యను అభ్యసించేందుకు వెళ్లే నిరుపేద విద్యార్ధుల కోసం ఉద్దేశించిన ఎన్టీఆర్ విదేశీ విద్యాధరణకు రూ.100 కోట్లు

ఇమామ్ మౌజన్ కార్యక్రమానికి రూ.100 కోట్లు

నిరుపేద కుటుంబాల్లోని ఆడపిల్లల పెళ్లిఖర్చుల కోసం ఉద్దేశించిన చంద్రన్న పెళ్లికానుకకు గాను..

* చంద్రన్న పెళ్లి కానుక(బీసీ) లకు రూ. 175 కోట్లు

* చంద్రన్న పెళ్లి కానుక (ఎస్సీ)లకు రూ. 128 కోట్లు

పేదవారికి రూ.5 కే భోజనాన్ని అందిస్తున్న అన్నా క్యాంటీన్లకు రూ. 300 కోట్లు.

చంద్రన్న భీమా పథకం కోసం రూ.354.02 కోట్లు

నిరుద్యోగులకు ఇప్పటి వరకు ఇస్తున్న రూ. 1000 నిరుద్యోగ భృతిని రూ.2000కు పెంపు

డ్వాక్రా అక్కాచెల్లెళ్ల కోసం ప్రవేశపెట్టిన పసుపు-కుంకుమ పథకం నిమిత్తం రూ. 4 వేల కోట్లు.

హార్టికల్చర్ రంగ అభివృద్ధి కోసం రూ. 124 కోట్లు.

వ్యవసాయ రంగంలో ఎప్పటికప్పుడు వస్తున్న మార్పులను గమనిస్తూ ఆధునాతన సాంకేతిక పరిజ్ఞానాన్ని అందుకునేందుకు వీలుగా రూ. 300.17 కోట్లను కేటాయించారు. అలాగే మేలైన విత్తనాభివృద్ధి కోసం రూ.200 కోట్లు. 

మార్కెట్ ధరల్లో ఎప్పటికప్పుడు వచ్చే మార్పుల వల్ల ధరల్లో హెచ్చు తగ్గులను స్ధిరీకరించేందుకు గాను రూ.1000 కోట్లతో ధరల స్థిరీకరణ నిధి ఏర్పాటు

క్షత్రియుల సంక్షేమానికి రూ. 50 కోట్లను కేటాయించారు.

ప్రభుత్వేతర రంగాల్లో ఉన్న డ్రైవర్ల సంక్షేమానికి ఈ సారి బడ్జెట్‌లో కేటాయింపులు చేశారు. డ్రైవర్ల సాధికారిక సంస్థను ఏర్పాటుకు గ్రీన్ సిగ్నల్ ఇచ్చిన యనమల రూ. 150 కోట్లను కేటాయించారు.

చిన్న, మధ్యతరగతి పరిశ్రమల ద్వారా రాష్ట్రాభివృద్ధికి కృషి చేస్తున్న పారిశ్రామిక వేత్తల కోసం రూ. 400 కోట్లను కేటాయించారు.

రాష్ట్రవ్యాప్తంగా ఉన్న ఎస్సీ, ఎస్టీ తరగతుల ప్రజల నిమిత్తం రూపొందించించిన ఎస్సీ, ఎస్టీ సబ్‌ప్లాన్‌కు యనమల విడివిడిగా నిధులను కేటాయించారు. ఎస్సీ సబ్‌ప్లాన్ నిమిత్తం రూ. 14,363.34 కోట్లను, ఎస్టీ సబ్‌ప్లాన్ కింద రూ. 5.385.31 కోట్లను కేటాయించారు. 

నిరుపేదలకు గృహ వసతి కల్పించేందుకు గాను.. అవసరమైన కాలనీలు నిర్మించేందుకు ఇళ్ల సేకరణ పనుల దృష్ట్యా రూ.500 కోట్లను కేటాయించారు. 

రాష్ట్రంలో పెద్ద ఎత్తున వివిధ రంగాల్లో ఉన్న కార్మికుల శ్రేయస్సు దృష్ట్యా ఈ రంగానికి రూ. 1,225.75 కోట్లను కేటాయించారు. 

రాష్ట్రంలో క్రీడలు, క్రీడాకారులకు మౌలిక సదుపాయాల కల్పనకు రూ. 1,982.74 కోట్లను బడ్జెట్‌లో కేటాయించారు. 

రాష్ట్రంలోని మహిళలు, చిన్నారుల శ్రేయస్సు కోసం  స్త్రీ,శిశు సంక్షేమ శాఖకు రూ. 3,408.66 కోట్లను కేటాయించారు. 

రాష్ట్రంలో రహదారుల నిర్మాణం, అభివృద్ధి, మరమ్మత్తుల కోసం రోడ్లు భవనాల శాఖకు రూ. 5,382.83 కోట్లను కేటాయించారు.

సాంఘిక సంక్షేమ రంగానికి రూ. 6,861.60 కోట్లను కేటాయించారు

యువతకు వృత్తి, ఉద్యోగాలకు శిక్షణ నిచ్చే ఉద్దేశ్యంతో నెలకొల్పబడిన స్కిల్ డెవలప్‌మెంట్ శాఖకు రూ. 458.66 కోట్లను కేటాయించారు

రాష్ట్ర ఆదాయంలో కీలక పాత్ర పోషించే రెవెన్యూ శాఖకు రూ. 5,546.94 కోట్లను కేటాయించారు

పంచాయతీరాజ్, గ్రామీణాభివృద్ధి శాఖకు రూ. 35,182.61 కోట్లను కేటాయించారు

మైనార్టీ సంక్షేమానికి ఈ సారి బడ్జెట్‌లో రూ. 1,308.73 కోట్లు కేటాయించారు.

2018-19 ఏడాదికి గాను తాత్కాలిక బడ్జెట్‌ను ఆంధ్రప్రదేశ్ ప్రభుత్వం అసెంబ్లీలో ప్రవేశపెట్టింది. ఈ ఏడాది బడ్జెట్‌ను రూ. 2.26 లక్షల కోట్లతో కేటాయించారు. ఇందులో రూ. 1.80 లక్షల కోట్ల రెవెన్యూ వ్యయం, ఆర్ధిక లోటు అంచనా రూ. 32, 390.68 కోట్లు కాగా, మూలధన వ్యయం రూ.29.596.33 కోట్లు

రాష్ట్రవ్యాప్తంగా జిల్లా, మండల, నగర స్థాయిల్లో ఉన్న వివిధ స్థానిక కోర్టుల అవసరాల నిమిత్తం ఈ బడ్జెట్‌లో రూ. 911.81 కోట్లను కేటాయించారు.