పెడనలో దారుణం: మహిళపై యాసిడ్ దాడి, ఆసుపత్రికి తరలింపు
By narsimha lode | First Published May 2, 2023, 3:32 PM ISTఉమ్మడి కృష్ణా జిల్లాలోని పెడనలో మహిళపై ఇవాళ యాసిడ్ దాడి జరిగింది. బాధితురాలిని ఆసుపత్రిలో చేర్పించారు.
విజయవాడ: ఉమ్మడి కృష్ణా జిల్లాలో మంగళవారంనాడు మహిళ యాసిడ్ దాడి జరిగింది. పెడన రామలక్ష్మి కాలనీలో దుండగులు యాసిడ్ దాడికి పాల్పడ్డారు. ఈ దాడిలో మహిళ కరుణ కుమారి తీవ్రంగా గాయపడింది. ఆమెను స్థానికులు ఆసుపత్రికి తరలించారు.
కరుణకుమారిపై యాసిడ్ దాడికి పాల్పడింది రాముడుగా పోలీసులు గుర్తించారు. రాముడి వద్ద కరుణ కుమారి రూ. 20 వేలు అప్పుగా తీసుకుంది. భర్తకు తెలియకుండా ఆమె ఈ అప్పు తీసుకుందని సమాచారం. ఈ డబ్బులు ఆమె తిరిగి ఇవ్వలేదు. ఈ డబ్బుల విషయమై రాముడు బాధితురాలిని వేధిస్తున్నాడు. డబ్బులు ఇవ్వలేదనే అక్కసుతో కరుణకుమారిపై రాముడు యాసిడ్ దాడికి దిగాడు.
Latest Videos
బాధితురాలు ఈ విషయమై పోలీసులకు ఫిర్యాదు చేసింది. బాధితురాలిని మచిలీపట్టణం ప్రభుత్వాసుపత్రికి తరలించారు. మచిలీపట్టణం ప్రభుత్వాసుపత్రిలో బాధితురాలు చికిత్స పొందుతుంది. కరుణకుమారిపై యాసిడ్ దాడి చేసిన రాముడిని పోలీసులు అదుపులోకి తీసుకుని ప్రశ్నిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి