అన్నమయ్య జిల్లాలో ఘోర రోడ్డు ప్రమాదం.. ఆరుగురు దుర్మరణం
By Siva Kodati | First Published Jul 22, 2023, 7:23 PM ISTఅన్నమయ్య జిల్లాలో శనివారం ఘోర రోడ్డు ప్రమాదం సంభవించింది. ఈ ఘటనలో ఆరుగురు ప్రాణాలు కోల్పోయారు. గాయపడినవారిలో పలువురి పరిస్థితి విషమంగా వున్నట్లుగా తెలుస్తోంది.
అన్నమయ్య జిల్లాలో శనివారం ఘోర రోడ్డు ప్రమాదం సంభవించింది. ఈ ఘటనలో ఆరుగురు ప్రాణాలు కోల్పోగా.. మరో ఎనిమిది మందికి తీవ్ర గాయాలయ్యాయి. సాయంత్రం కడప నుంచి తిరుపతికి వెళ్లున్న ఆర్టీసీ బస్సు ఓరంపాడు వద్ద ఎదురుగా వస్తున్న ఆయిల్ ట్యాంకర్‌ను ఢీకొట్టింది. ఈ ఘటనలో ముగ్గురు అక్కడికక్కడే మరణించగా.. మరో ముగ్గురు ఆసుపత్రిలో చికిత్స పొందుతూ తుదిశ్వాస విడిచారు.
సమాచారం అందుకున్న పోలీసులు క్షతగాత్రులను రాజంపేట ప్రభుత్వాసుపత్రికి తరలించి చికిత్స అందించారు. డ్రైవర్ అతివేగమే ప్రమాదానికి కారణమని తెలుస్తోంది. ప్రమాదం కారణంగా రాజంపేట - తిరుపతి మార్గంలో భారీగా ట్రాఫిక్ స్తంభించింది. గాయపడినవారిలో పలువురి పరిస్థితి విషమంగా వున్నట్లుగా తెలుస్తోంది. ఈ మేరకు ప్రముఖ తెలుగు వార్తాసంస్థ ఎన్టీవీ కథనాన్ని ప్రసారం చేసింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి