బిస్కెట్‌ ఆశచూపి.. నాలుగేళ్ల చిన్నారిపై అత్యాచారం

శ్రీపొట్టి శ్రీరాములు నెల్లూరు జిల్లా వెంకటాచలం మండలంలోని ఓ గ్రామంలో బుధువారం మధ్యాహ్నం బాధిత చిన్నారి ఇంటి ముందు ఆడుకుంటోంది. ఈ సమయంలో గ్రామానికే చెందిన ఓ వ్యక్తి బిస్కెట్ ఇస్తానని చెప్పి బలవంతంగా ఎత్తుకెళ్లి చిన్నారిపై అత్యాచారానికి పాల్పడ్డాడు

బిస్కెట్ ఇస్తానని చెప్పి తీసుకెళ్లి నాలుగేళ్ల చిన్నారిపై ఓ కామాంధుడు అత్యాచారం చేశాడు. వివరాల్లోకి వెళితే... శ్రీపొట్టి శ్రీరాములు నెల్లూరు జిల్లా వెంకటాచలం మండలంలోని ఓ గ్రామంలో బుధువారం మధ్యాహ్నం బాధిత చిన్నారి ఇంటి ముందు ఆడుకుంటోంది.

ఈ సమయంలో గ్రామానికే చెందిన ఓ వ్యక్తి బిస్కెట్ ఇస్తానని చెప్పి బలవంతంగా ఎత్తుకెళ్లి చిన్నారిపై అత్యాచారానికి పాల్పడ్డాడు. ఇంటి ముందు ఆడుకుంటున్న కూతురు కనిపించకుండా పోవడంతో ఆందోళన చెందిన తల్లిదండ్రులు ఇంటి సమీపంలో వెతికారు.

ఈ సమయంలో ఏడ్చుకుంటూ ఇంటికి చేరుకున్న పాప.. వారికి జరిగిన విషయాన్ని చెప్పింది. దీంతో వారు పోలీస్ స్టేషన్‌లో ఫిర్యాదు చేశారు.. రంగంలోకి దిగిన పోలీసులు చిన్నారిని వైద్య పరీక్షల కోసం నెల్లూరు ప్రభుత్వాసుపత్రికి తరలించి.. నిందితుడిపై కేసు నమోదు చేశారు.