)
ఆకుకూరలు
ఆకు కూరల్లో మన శరీరానికి కావాల్సిన ఎన్నో రకాల పోషకాలుంటాయి. అందుకే వీటిని మన రోజువారి ఆహారంలో భాగం చేసుకోవాలని డాక్టర్లు, ఆరోగ్య నిపుణులు చెబుతుంటారు.
)
ఆకుకూరల్లో పోషకాలు
ఆకుకూరల్లో మెగ్నీషియం, పొటాషియంతో పాటుగా ఇతర ముఖ్యమైన పోషకాలు కూడా పుష్కలంగా ఉంటాయి. వీటిని తింటే మన గుండె ఆరోగ్యంగా ఉంటుంది.
)
ఎముకలు, దంతాల ఆరోగ్యం
ఆకు కూరల్లో కాల్షియం, మెగ్నీషియం మెండుగా ఉంటాయి. ఇవి మన ఎముకలను, దంతాలను బలంగా ఉంచడానికి ఎంతో సహాయపడతాయి.
)
రక్తహీనత
మగవారితో పోలిస్తే ఆడవారే రక్తహీనతతో ఎక్కువగా బాధపడతారు. ఐరన్ ఎక్కువగా ఉండే ఆకుకూరలను తింటే రక్తహీనత సమస్య తగ్గిపోతుంది.
మలబద్ధకం
ఆకుకూరల్లో ఫైబర్స్ కంటెంట్ ఎక్కువగా ఉంటుంది. ఇది మలబద్ధకం సమస్యను తగ్గిస్తుంది. అలాగే గట్ ను ఆరోగ్యంగా ఉంచేందుకు సహాయపడుతుంది.
శరీర బరువు
ఆకుకూరల్లో కేలరీలు తక్కువగా ఉంటాయి. ఫైబర్ ఎక్కువగా ఉంటుంది. ఇది మీరు ఆరోగ్యంగా బరువు తగ్గేందుకు సహాయపడుతుంది. ఆకు కూరలను తింటే ఆకలి కంట్రోల్ లో ఉంటుంది.
కంటి ఆరోగ్యం
ఆకుకూరల్లో లుటిన్, జియాక్సంతిన్ లు కూడా మెండుగా ఉంటాయి. ఆకుకూరల్లో ఉండే యాంటీ ఆక్సిడెంట్లు మన కళ్లను ఆరోగ్యంగా ఉంచుతాయి. అలాగే కంటిచూపును పెంచుతాయి.
బ్లడ్ షుగర్
ఆకు కూరలు డయాబెటీస్ పేషెంట్లకు కూడా ఎంతో ప్రయోజనకరంగా ఉంటాయి. వీటిలో ఉండే ఫైబర్స్ బ్లడ్ షుగర్ లెవల్స్ ను నియంత్రించడానికి సహాయపడతాయి.
ఇమ్యూనిటీ పవర్
ఆకుకూరల్లో విటమిన్ ఎ, విటమిన్ సి వంటి విటమిన్లు పుష్కలంగా ఉంటాయి. ఇవి మన రోగనిరోధక శక్తిని పెంచడానికి ఎంతగానో సహాయపడతాయి.