ఏం తింటే.. జుట్టు పొడుగ్గా పెరుగుతుంది

గుడ్డు మంచి పోషకాహారం. దీనిలో మన జుట్టు బలంగా పెరిగేందుకు అవసరమైన బయోటిన్ పుష్కలంగా ఉంటుంది. అందుకే మీరు రోజూ ఒక గుడ్డును తింటే మీ జుట్టు బాగా పెరుగుతుంది. 

చికెన్ లో కూడా ప్రోటీన్లు పుష్కలంగా ఉంటాయి. దీన్ని డైట్ లో చేర్చుకున్న జుట్టు ఒత్తుగా, పొడుగ్గా పెరుగుతుంది. అలాగే జుట్టు మంచి షైనీగా కూడా ఉంటుంది. 

గ్రీక్ పెరుగులో ప్రోటీన్లు ఎక్కువ మొత్తంలో ఉంటాయి. ఈ పెరుగు టేస్టీగా కూడా ఉంటుంది. ఈ పెరుగును రెగ్యులర్ డైట్ లో చేర్చుకుంటే జుట్టు హెల్తీగా ఉంటుంది. వెంట్రుకలు ఊడిపోవు.

 నట్స్, సీడ్స్ లో మన శరీరానికి మేలు చేసే ఎన్నో రకాల పోషకాలుంటాయి. మీరు గనుక రోజూ కొన్ని చియా సీడ్స్, బాదం,పల్లీలు వంటి ప్రోటీన్ ఫుడ్స్ ను తింటే మీ జుట్టు పొడుగ్గా పెరుగుతుంది. 

పప్పు ధాన్యాలు ప్రోటీన్ కు మంచి వనరులు. వీటిని రెగ్యులర్ డైట్ లో చేర్చుకుంటే జుట్టు హెల్తీగా ఉంటుంది. వెంట్రుకలు పొడుగ్గా పెరుగుతాయి. 

తోటకూరలో విటమిన్ ఎ, విటమిన్ సి, ఐరన్, ప్రోటీన్లు పుష్కలంగా ఉంటాయి. దీన్ని తిన్నా జుట్టు బలంగా, నల్లగా, పొడుగ్గా పెరుగుతుంది. 

చీజ్ లో కాల్షియం, ప్రోటీన్లు మెండుగా ఉంటాయి. నిపుణుల ప్రకారం.. చీజ్ ను డైట్ లో చేర్చుకుంటే జుట్టు హెల్తీగా ఉంటుంది.