కసవు చీర -కేరళ

కేరళ ఫేమస్ కసవు చీర. బంగారు అంచుతో కూడిన తెల్లటి లేదా క్రీమ్ రంగు చీర. వీటిని సాధారణంగా పండుగలు, వివాహాలు, ఇతర శుభ సందర్భాలలో కట్టుకోవడానికి ఇష్టపడతారు.

తెలంగాణలో పోచంపల్లి ఇక్కత్ చీరలు చాలా ప్రసిద్ధి చెందాయి. ఇక్కత్ అనేది ఒక ప్రత్యేకమైన నేత పద్ధతి, దీనిలో దారాలకు రంగులు వేసి, తర్వాత చీరను నేస్తారు.  

కాంచీపురం పట్టు చీర అనేది తమిళనాడు రాష్ట్రంలోని కాంచీపురం నగరంలో తయారుచేయబడుతుంది. ఇది దాని మల్బరీ పట్టు, జరీ సరిహద్దులకు ప్రసిద్ధి చెందింది. 

మధ్యప్రదేశ్ కు చెందిన చందేరి చీరలు దేశవ్యాపంగా ప్రసిద్ధి చెందాయి. వీటిని మధ్యప్రదేశ్‌లోని అశోక్‌నగర్ జిల్లాలో తయారు చేస్తారు. ఈ చీరలను పత్తి,  పట్టు నూలుల కలయికతో నేస్తారు. 

అస్సాంకు చెందిన ముగా సిల్క్ చీరలు కూడా చాలా ఫేమస్.  ముగా సిల్క్ అనేది ఒక ప్రత్యేక రకం పట్టు,  అక్కడ స్థానికంగా లభించే ఆంథెరియా అస్సామెన్సిస్ అనే పురుగు ద్వారా ఉత్పత్తి చేస్తారు. 

ఒడిశాకు చెందిన సంబల్పురి ఇక్కత్ చీరలు (Sambalpuri Ikat Saree) ఒక ప్రసిద్ధమైన చేనేత చీర.  ఈ చీరలు నేసే ముందు దారానికి ప్రత్యేక రీతిలో ముళ్లు వేసి రంగులు అద్దుతారు.  

గుజరాత్‌కు చెందిన పటోలా చీర అనేది డబుల్ ఇకత్ నేతతో తయారు చేసిన ఒక ప్రసిద్ధమైన చీర. ఇది పట్టుతో నేయబడుతుంది.  చాలా ఖరీదైనది, పటాన్ నగరంలో దీనిని ఉత్పత్తి చేస్తారు.