ఎంత కడిగిన పాత్రలపై మరకలు పోవడం లేదా ? ఇలా చేస్తే చిటికెలో సాల్వ్​!

వంట చేసేటప్పుడు మీడియం ఫ్లేమ్ లేదా తక్కువ మంట మీద చేయాలి. లేదంటే పాత్రలు మాడిపోయి జిడ్డుగా, నల్లగా మారుతాయి.

పాత్రలపై మరకలను తొలగించడానికి వెనిగర్ ఉపయోగించవచ్చు. వెనిగర్ , ఉప్పు కలిపి ఒక ద్రావణంతో శుభ్రం చేస్తే మరకలు ఇట్టే పోతాయి. 

పాత్రలను మెరుస్తూ ఉండటానికి బేకింగ్ సోడాను ఉపయోగించవచ్చు. బేకింగ్ సోడా, నీటిని కలిపి పేస్ట్ లా చేసి, ఆ మిశ్రమంతో మరకలపై రుద్దితే.. సులభంగా మరకలు పోతాయి.  

పాత్రలో నీళ్ళు పోసి ఉల్లిపాయ వేసి మరిగించాలి. స్టీల్ పాత్రలోని మరకలను ఇది తొలగిస్తుంది.

రెండు కప్పుల నీరు, పావు కప్పు గ్లిజరిన్‌, మరో పావు కప్పు లిక్విడ్‌ సోప్‌ను కలిపి ఓ పేస్ట్ లా చేయండి. ఈ మిశ్రమాన్ని మరకలపై ఆప్లై చేసి 15 నిమిషాల తర్వాత కడిగితే మరకలు పోతాయి.  

స్టీల్ పాత్రలకు అంటుకున్న మరకలను ఉప్పు, నీళ్ళతో రుద్ది శుభ్రం చేయవచ్చు.

పాత్రలపై మరకల్ని తొలగించడానికి హైడ్రోజన్‌ పెరాక్సైడ్‌ చక్కగా ఉపయోగపడుతుంది. ఇందుకోసం మరక ఉన్న చోట కొన్ని చుక్కల ఈ ద్రావణాన్ని వేసి పావుగంట నానబెట్టాలి. ఆ తరువాత కడిగేస్తే చాలు.