Almond Kajal: ఈ కాటుక పెట్టుకుంటే చాలు.. కలువల్లాంటి కళ్లు మీ సొంతం

బాదంతో చేసిన కాటుక కళ్లకు అందాన్ని ఇవ్వడమే కాదు, అందులోని సహజ గుణాలు కళ్లకు పోషణను కూడా అందిస్తాయి. బాదంతో కాటుక తయారు చేసే సులభమైన పద్ధతుల గురించి తెలుసుకుందాం.

బాదంలో విటమిన్ E, యాంటీఆక్సిడెంట్లు, ఆరోగ్యకరమైన ఫ్యాట్స్ ఉంటాయి. దీన్ని కాల్చి కాటుకగా చేసినప్పుడు, అది కళ్లకు డార్క్, అందమైన లుక్‌ను ఇస్తుంది. తక్కువ ఖర్చుతోనే రెడీ అయిపోతుంది.

4 నుంచి 5 బాదం పప్పులు, ఆవాల నూనె లేదా కొబ్బరి నూనె, ఒక దీపం, స్టీల్ లేదా ఇత్తడి ప్లేటు, చిన్న డబ్బా. ఇప్పుడు దీపంలో నూనె పోసి వెలిగించండి. ఒక బాదం పప్పును మంటపైన పెట్టండి.

బాదం పూర్తిగా నల్లగా అయ్యే వరకు మండనివ్వండి. దానిపై స్టీల్ ప్లేటు ఉంచితే, మసి ప్లేటుకు అంటుకుంటుంది. ఆ మసిని డబ్బాలోకి తీసుకోండి. అందులో కొబ్బరి నూనె కలిపి ప్యాక్ చేసుకోండి.

మీకు మరింత మృదువైన, క్రీమీ కాటుక కావాలంటే నెయ్యిని ఉపయోగించవచ్చు. నెయ్యి దీపం మంటపై బాదంను కాల్చి కాటుకను తయారు చేయండి. ఈ కాటుక కళ్లపై సులభంగా జారుతుంది, డ్రైగా అనిపించదు.

ఆముదం  కనురెప్పల సంరక్షణకు చాలా మంచిదని తెలిసిందే. కాటుకలో ఆముదం కలపండి. ఈ కాటుక కళ్లతో పాటు కనురెప్పలను కూడా ఆరోగ్యంగా ఉంచడంలో సహాయపడుతుంది.

ఇంట్లోనే సంప్రదాయ పద్ధతిలో బ్యూటీ ప్రొడక్ట్స్ తయారు చేసుకోవాలనుకునేవారు, తక్కువ బడ్జెట్‌లో నేచురల్ కాటుక కావాలనుకునేవారు ఇది ట్రై చేయోచ్చు.