Woman
పెరుగు, ఓట్స్ తో మోచేతుల నలుపును చాలా ఈజీగా పోగొడుతుంది. ఇందుకోసం ఒక టీస్పూన్ పెరుగులో ఒక టీస్పూన్ ఓట్స్ ను కలిపి మోచేతులకు మసాజ్ చేయండి. 20 నిమిషాల తర్వాత కడిగేయండి.
పసుపు, పెరుగు కూడా మోచేతుల నలుపును పోగొట్టడంలో చాలా ఎఫెక్టీవ్ గా పనిచేస్తుంది. ఇందుకోసం ఒక టీస్పూన్ పెరుగును తీసుకుని అందులో చిటికెడు పసుపు కలిపి మోచేతులకు మసాజ్ చేయండి.
ఒక టీస్పూన్ శెనగపిండిలో రెండు టీస్పూన్ల టమాటా రసాన్ని కలిపి మోచేతులకు పెట్టి 10 నిమిషాల తర్వాత కడిగేయండి.
మోచేతుల, మోకాళ్ల నలుపును పోగొట్టడంలో కలబంద, తేనె బాగా సహాయపడతాయి. ఇందుకోసం అలొవెరా జెల్ ను తేనెను సమానంగా తీసుకుని కలిపి మోచేతులకు రాయండి.
నల్లని మోచేతులను తెల్లగా చేయడంలో నిమ్మకాయ చాలా ఎఫెక్టీవ్ గా పనిచేస్తుంది. ఇందుకోసం సగం నిమ్మకాయ ముక్కను పంచదారలో ముంచి మోచేతులకు రుద్దితే నలుపు తొలగిపోతుంది.
కొన్ని రకాల నూనెలతో కూడా మోచేతుల నలుపు తొలగిపోతుంది. ఇందుకోసం కొబ్బరి నూనె లేదా ఆలివ్ నూనెను మోచేతులకు రాస్తే సహజ రంగు వస్తుంది.
బాదం పాలతో కూడా మీరు నల్లని మోచేతులను సహజ రంగులోకి తీసుకురావొచ్చు. ఇందుకోసం పచ్చి పాలలో బాదం పలుకులను నూరి మోచేతులకు పట్టిస్తే నలుపు చాలా వరకు తగ్గుతుంది.