ఇల్లు తుడిచే కర్రను ఎలా శుభ్రం చేయాలి

ఇంటిని క్లీన్ చేయడానికి ఉపయోగించే కర్రను ఖచ్చితంగా క్లీన్ చేసుకోవాలి. లేదంటే దీనివల్ల క్రిములు ఇంటినిండా వ్యాపిస్తాయి. 

ఇంటిని తుడిచే కర్రను క్లీన్ చేయకపోతే దానిలో బ్యాక్టీరియా, ఫంగస్ బాగా పెరుగుతుంది.దీనివల్ల లేనిపోని అనారోగ్య సమస్యలు వస్తాయి. అందుకే దీన్ని ఎలా క్లీన్ చేయాలో ఇప్పుడు తెలుసుకుందాం..

వెనిగర్ తో ఇల్లు తుడిచే కర్రను ఈజీగా క్లీన్ చేయొచ్చు.ఇందుకోసం బకెట్‌ వేడి నీళ్లతో వెనిగర్ వేసి 5 నిమిషాల పాటు నానబెట్టండి. తర్వాత శుభ్రం చేసి ఎండలో ఆరబెట్టండి. 

 ఒక బకెట్ వేడి నీళ్లలో నిమ్మరసం పిండి అందులో ఇల్లు తుడిచే కర్రను 15 నిమిషాలు నానబెట్టండి. దీన్ని శుభ్రం చేసి ఆరబెట్టండి. దీంతో ఇది తెల్లగా అయ్యి మంచి వాసన వస్తుంది. 

ఒక బకెట్ వేడి నీళ్లలో సబ్బు పొడిని వేసి 10 నిమిషాల పాటు ఇల్లు తుడిచే కర్రను నానబెట్టండి. తర్వాత నీళ్లతో  శుభ్రం చేసి ఆరబెట్టండి. 

ఇల్లు తుడిచే కర్రను వాడిన ప్రతిసారీ నీళ్లతో బాగా  శుభ్రం చేయాలి. ఆ తర్వాత ఎండలో పూర్తిగా ఆరబెట్టాలి. అప్పుడే దానిలో బ్యాక్టీరియా, ఫంగస్ ఏర్పడదు. వాసన కూడా రాదు.