బట్టలు ఐరన్ చేసేందుకు చక్కటి చిట్కాలు ! ఇలా చేస్తే.. సమయం, కరెంటు ఆదా

ఐరన్ చేసేటప్పుడు దుస్తుల పట్ల చాలా జాగ్రత్తగా, అప్రమత్తంగా ఉండాల్సిన అవసరం ఉంది. లేదంటే, ఏ మాత్రం వేడి తగిలినా అవి కాలిపోయే ప్రమాదం ఉంటుంది.

ఒకటి, రెండు బట్టలకు బదులుగా అన్ని బట్టలను ఒకేసారి ఇస్త్రీ చేయండి. ఇది కరెంటు ఆదా చేస్తుంది. 

వారం రోజుల బట్టలను ఒకేసారి ఇస్త్రీ చేసుకుంటే సమయం, కరెంటు ఆదా అవుతుంది.

తడి బట్టలు ఆరబెట్టడానికి ఇస్త్రీ పెట్టె వాడకుండా హెయిర్ డ్రైయర్ ఉపయోగించవచ్చు. లోదుస్తులు, సాక్స్, రుమాలు, చిన్న వస్తువులను ఆరబెట్టడానికి హెయిర్ డ్రైయర్లు బెస్ట్. కరెంటు కూడా ఆదా.

ఎక్కువ, తక్కువ వేడి అవసరమయ్యే బట్టలను వేరు చేసి ఇస్త్రీ చేయండి. ఎక్కువ వేడి కావలసినవి ముందు ఇస్త్రీ చేయండి.

వాడిన తర్వాత ఇస్త్రీ పెట్టెను ఆఫ్ చేయడం మర్చిపోకండి. ఆన్ లో ఉంచితే కరెంటు వృధా అవుతుంది.

ఇస్త్రీ పెట్టెలో స్ప్రే చేయడానికి మరుగుతున్న నీళ్ళు వాడకూడదు. అలా చేస్తే ఇస్త్రీ పెట్టె పాడవుతుంది, బట్టలకు మరకలు పడతాయి. నార్మల్ నీళ్ళు  వాడటం మంచిది.