మంగళవారం నాడు నాన్ వెజ్ ఎందుకు తినరు?

చాలా మంది మంగళవారం నాడు మాంసం అస్సలు తినరు. ఇలా ఎందుకు చేస్తారు? దీనికి గల కారణమేంటో ఇప్పుడు తెలుసుకుందాం పదండి. 

హిందూ మతం ప్రకారం.. కొంతమంది మంగళవారం నాడు మాంసాహారాన్ని తిన్నప్పటికీ.. కొంతమంది మాత్రం వండరు. తినరు. ఎందుకంటే? 

హిందువుల ప్రకారం.. మంగళవారం నాడు మాంసం తినడం మంచిది కాదు. దీన్ని అశుభంగా భావిస్తారు. అందుకే ఈ రోజు తినకుండా ఉంటారు. 

మంగళవారం రామ భక్తుడు హనుమంతుడు, అంగారకుడికి అంకితం చేయబడింది. అందుకే ఈ రోజును అధ్యాత్మిక, ఆరోగ్యకరమైన రోజుగా భావిస్తారు. 

ఆంజనేయ స్వామికి పూజలో సాత్విక వస్తువులనే సమర్పిస్తాం. అందుకే మంగళవారం నాడు హిందువులు మాంసాహారం తినరు. 

అంగారకుడు ఎరుపు రంగు, శక్తి, ఉత్సాహం, దృఢ సంకల్పానికి ప్రతీక. జ్యోతిష్యుల ప్రకారం.. మంగళవారం నాడు నాన్ వెజ్ తినడం వల్ల జాతకంలో అంగారకుడి ప్రభావం అసమతుల్యంగా అవుతుంది.

హిందూ విశ్వాసాల ప్రకారం ఒక్క మంగళవారం మాత్రమే కాదు..గురువారం, శనివారాల్లో మాంసాహారాన్ని తినకూడదు. గమనిక: ఈ సమాచారం హిందూ విశ్వాసాలపై మాత్రమే ఆధారపడి ఉంది. దీన్ని నిర్ధారించలేదు.