ఆదివారం తర్వాత సోమవారమే ఎందుకొస్తుంది: ఇదే కారణం

తెలుగు వారాల పేర్లు సంస్కృత భాష నుంచి తీసుకున్నవి. అయితే అసలు ఏడు వారాలకు ఈ పేర్లు ఎలా వచ్చాయో తెలుసుకుందాం. 

 

వాస్తవానికి వారంలోని ఈ క్రమం మన వేదాల్లో రాసి ఉంది. అథర్వణ వేదంలోని ఒక శ్లోకం ప్రకారం ‘ఆదిత్యః సోమో భౌమశ్చ తథా బుధ బృహస్పతిః। భార్గవః శనైశ్చరశ్చైవ ఏతే సప్త దినాధిపాః।।’

అథర్వణ వేదంలోని ఈ శ్లోకం ప్రకారం ఆదిత్య అంటే సూర్యుడు, దాని నుండి ఆదివారం వచ్చింది. ఆ తర్వాత సోమవారం, మంగళవారం, భార్గవ అంటే శుక్రవారం ఇలా ప్రతి పదం ఒక వారాన్ని తెలుపుతుంది. 

జ్యోతిష్య శాస్త్రం ప్రకారం 24 గంటలకు 24 హోరలు ఉంటాయి. ప్రతి హోరపై ఒక గ్రహం ప్రత్యేక ప్రభావం ఉంటుంది. ప్రతి రోజు మొదటి హోర ఏ దేవుడి పేరు ఉంటుందో అది ఆ వారాన్ని చెబుతుంది. 

ఆదివారం మొదటి హోర సూర్యుడు, అదేవిధంగా సోమవారం చంద్రుడు, మంగళవారం మంగళుడు, బుధవారం బుధుడు ఇలా ఆ రోజు మొదటి హోరను గణించి పండితులు శుభముహూర్తాలు నిర్ణయిస్తారు. 

‘ఆదిత్యాయచ సోమాయ మంగళాయ బుధాయచ గురు శుక్ర శనిభ్యశ్చ రాహవే కేతవే నమ:’ నవగ్రహ శాంతి మంత్రమైన ఈ వాక్యంలో ఏడు వారాల పేర్లు ఉంటాయి.