కొన్నిసార్లు టీనేజ్ పిల్లలు చెడు అలవాట్లు చేసుకుంటారు. ఆ సమయంలో వారిని తిడితే ఇంకా మొండిగా మారిపోతారు. సహనంగా విషయం చెబితే మంచిగా మారతారు.
పిల్లలు పెరిగే కొద్దీ కొన్ని విషయాలు రహస్యంగా ఉంచుకుంటారు. అవి మీకు తెలిస్తే వెంటనే కోపం చూపించొద్దు. ఫ్రెండ్లీగా మాట్లాడండి.
పిల్లలను గౌరవించకపోతే, వారు మిమ్మల్ని తక్కువ చేసి చూస్తారు. ఇది భవిష్యత్తులో మీ మధ్య రిలేషన్ పై చెడు ప్రభావం చూపుతుంది.
పిల్లలు పెరిగే క్రమంలో వారు ఓపిక కోల్పోయి మూర్ఖంగా ప్రవర్తించవచ్చు. పెద్దలు ఓపికగా ఉండటం చాలా ముఖ్యం.
పిల్లలకు రకరకాల ఇష్టాలు ఉంటాయి. అవి మీకు నచ్చలేదని తెలిస్తే వాళ్లు చాలా బాధపడతారు. వారి ఇష్టాలను గౌరవించి సపోర్ట్ చేయండి.
ఈ వయసులో పిల్లలు తమ భావాలను వ్యక్తపరచడం కష్టం. తల్లిదండ్రులుగా మీరు వారిని అర్థం చేసుకోవడానికి ప్రయత్నించండి.
పిల్లలపై అరిచినా, చెడు మాటలు వాడినా మీ మధ్య గొడవకు దారితీస్తుంది. మీరు తెలివిగా, మెచ్యూర్డ్ గా ప్రవర్తిస్తే సమస్య ఈజీగా పరిష్కారమవుతుంది.
పిల్లలు మీ మాట వినడం లేదని వారితో మాట్లాడటం మానేయొద్దు. వారు ఇష్టపడినా ఇష్టపడకపోయినా మీరు వారితో మాట్లాడండి. కొన్నాళ్లకు వాళ్లే అర్థం చేసుకుంటారు.