ఘుమఘుమలాడే మసాలా టీ ఇలా చేస్తే అదుర్స్

సాయంత్రం వేడి వేడి బజ్జీలు తింటూ, ఘాటుగా ఉండే టీ తాగితే ఆ మజాయే వేరు. దీన్ని ఇంట్లోనే చాలా సులభంగా స్ట్రాంగ్ టీ తయారుచేసుకోవచ్చు.

నీళ్లు - 1 కప్పు, 

పాలు - 1/2 కప్పు, 

టీ పొడి - 2 టీస్పూన్లు, 

చక్కెర - ఒకటిన్నర టీస్పూన్, 

అల్లం - 1/2 అంగుళం, 

లవంగం లేదా దాల్చినచెక్క -  1, 

యాలకులు - చిటికెడు.

స్టవ్ మీద గిన్నె పెట్టి నీళ్లు పోయాలి.  అందులో టీ పొడి వేయాలి.  టీ రంగు మారే వరకు 2-3 నిమిషాలు మరిగిస్తే మంచిది. ఇది టీ రుచిని మరింత పెంచుతుంది.

ఆ తర్వాత అందులో తురిమిన అల్లం, యాలకులు, లవంగం, దాల్చినచెక్క వేసి 3-4 నిమిషాలు మరిగించాలి. మసాలాల సువాసన వచ్చే వరకు బాగా మరగనివ్వాలి.

టీ డికాక్షన్ ముదురు రంగు రాగానే పాలు, చక్కెర వేసి మరో 3 నుంచి 4 నిమిషాలు మరిగించాలి. ఈ పద్ధతిలో చేస్తే టీకి మంచి రంగు, స్ట్రాంగ్ టేస్ట్, సువాసన వస్తాయి.

చివరగా టీని వడగట్టుకుని వేడివేడిగా తాగితే చాలా రుచిగా ఉంటుంది. 

అల్లం, యాలకులు, లవంగా వేయడం వల్ల టీ మరింత ఆరోగ్యంగా మారుతుంది.