మన జుట్టు ఆరోగ్యంగా, షైనీగా, బలంగా, ఒత్తుగా ఉండటానికి జింక్ చాలా చాలా అవసరం. అయితే ఇది లోపిస్తే జుట్టు విపరీతంగా రాలుతుంది.
ఇమ్యూనిటీ పవర్ ఎక్కువగా ఉంటేనే మనం ఆరోగ్యంగా, ఎలాంటి రోగాలు లేకుండా ఉంటాం. అయితే మనలో జింక్ తగ్గితే మన రోగనిరోధక శక్తి తగ్గుతుంది. దీంతో ఎన్నో రోగాలను ఎదుర్కోవాల్సి ఉంటుంది.
జింక్ లోపం వల్ల కూడా ఎన్నో చర్మ సమస్యలొస్తాయి. ముఖ్యంగా మొటిమలు, తామర వంటి ఎణ్నో చర్మ సంబంధిత సమస్యలు కూడా జింక్ తగ్గడం వల్ల వస్తాయంటున్నారు నిపుణులు.
గాయాలను నయం చేయడానికి జింక్ కీలక పాత్ర పోషిస్తుంది. అయితే ఇది మన శరీరంలో తగ్గితే గాయలు చాలా లేట్ గా నయమవుతాయని ఆరోగ్య నిపుణులు చెబుతున్నారు.
మనకు రుచి మరియు వాసనను అనుభూతి కలిగించడంలో జింక్ కూడా ముఖ్యమైన పాత్ర పోషిస్తుంది. కాబట్టి జింక్ తగ్గినప్పుడు రుచి, వాసన కూడా సమస్యగా మారుతుంది.
మన జీర్ణవ్యవస్థ సక్రమంగా పనిచేయడానికి జింక్ కూడా చాలా చాలా అవసరం. అందుకే మన శరీరంలో ఇది తగ్గినప్పుడు జీర్ణక్రియ కూడా మందగిస్తుంది.
జింక్ లోపం వల్ల మన శరీరంలోని ఎన్నో అంతర్గత కార్యకలాపాలు మందగిస్తాయి. దీంతో మనకు అలసటగా అనిపిస్తుంది.
జింక్ లోపం మన కళ్లను కూడా ప్రభావితం చేస్తుంది. శరీరంలో జింక్ లోపిస్తే కంటి చూపు తగ్గుతుంది. కళ్లు మసకగా కనిపిస్తాయి.