గుమ్మడి కాయలో మెగ్నీషియం, యాంటీ ఆక్సిడెంట్లు, జింక్, ఫ్యాటీ యాసిడ్స్ పుష్కలంగా ఉంటాయి. ఇవి అధిక రక్తపోటు, కొలెస్ట్రాల్ ను తగ్గించి మన గుండెను ఆరోగ్యంగా ఉంచుతాయి.
గుమ్మడికాయ మధుమేహులకు కూడా ఎంతో ప్రయోజనకరంగా ఉంటుంది. ఫైబర్ పుష్కలంగా ఉండే గుమ్మడికాయ, దీని విత్తనాలు రక్తంలో చక్కెర స్థాయిలను తగ్గిస్తాయి.
ఇమ్యూనిటీ పవర్ ఎక్కువగా ఉంటేనే మనం అన్ని విధాలా ఆరోగ్యంగా ఉంటాం. అయితే విటమిన్ సి పుష్కలంగా ఉండే గుమ్మడికాయ మన రోగనిరోధక శక్తిని కూడా పెంచుతుంది.
యాంటీ ఆక్సిడెంట్లు పుష్కలంగా ఉండే గుమ్మడికాయలను రెగ్యులర్ గా తింటే ఎన్నో రోగాల ముప్పు తప్పుతుంది. ముఖ్యంగా ఇది క్యాన్సర్ రిస్క్ ను కూడా తగ్గిస్తుందంటున్నారు నిపుణులు.
గుమ్మడికాయలో ఫైబర్ కంటెంట్ ఎక్కువగా ఉంటుంది. ఇది మన జీర్ణక్రియను మెరుగుపరచడానికి సహాయపడుతుంది. దీన్ని తింటే మలబద్దకం సమస్యే రాదు.
గుమ్మడికాయలో కేలరీలు చాలా తక్కువగా ఉంటాయి. ఫైబర్ ఎక్కువగా ఉంటుంది. వీటిని తింటే ఆకలి తగ్గుతుంది. కడుపు తొందరగా నిండుతుంది. ఇవి బరువును తగ్గించడానికి ఎంతో సహాయపడతాయి.
యాంటీ ఆక్సిడెంట్స్ పుష్కలంగా ఉండే గుమ్మడికాయను తినడం వల్ల చర్మం ఆరోగ్యంగా ఉంటుంది. అలాగే కాంతివంతంగా మెరిసిపోతుంది కూడా.
ప్రస్తుత కాలంలో చాలా మంది నిద్రలేమి సమస్యతో బాధపడుతున్నారు. అయితే గుమ్మడికాయ గింజలను తింటే బాగా నిద్రపడుతుందని నిపుణులు చెబుతున్నారు.