మధుమేహులు కాకరకాయ జ్యూస్ ను కూడా తాగొచ్చు. ఇది డయాబెటీస్ పేషెంట్లకు ఎంతో మేలు చేస్తుంది. దీనిలో ఉండే కొన్ని మినరల్స్ బ్లడ్ షుగర్ లెవెల్స్ ను నియంత్రించడానికి సహాయపడతాయి.
కాకరకాయ జ్యూస్ లో ఫైబర్ కంటెంట్ పుష్కలంగా ఉంటుంది. ఇది రక్తంలో చక్కెర స్థాయిలను తగ్గించడానికి సహాయపడుతుంది. దీనిలో విటమిన్ ఎతో పాటుగా విటమిన్ సి కూడా ఎక్కువగా ఉంటుంది.
కాకరకాయ జ్యూస్ లో ఐరన్ పుష్కలంగా ఉంటుంది. అంతేకాదు ఈ జ్యూస్ లో పొటాషియం, విటమిన్ సి, మెగ్నీషియం, ఫోలేట్, జింక్, ఫాస్పరస్, కాల్షియం వంటి పోషకాలు కూడా ఎక్కువగా ఉంటాయి.
కాకరకాయను తిన్నా.. దీన్ని జ్యూస్ గా తాగినా ఇమ్యూనిటీ పవర్ పెరుగుతుంది. దీంతో మీకు అంటువ్యాధులు, ఇతర రోగాలు వచ్చే ప్రమాదం తగ్గుతుంది. ఇది కళ్లను కూడా ఆరోగ్యంగా ఉంచుతుంది.
ప్రస్తుత కాలంలో చాలా మంది మలబద్దకంతో బాధపడుతున్నారు. అయితే ఫైబర్ కంటెంట్ ఎక్కువగా ఉండే కాకరకాయలు మలబద్దకాన్ని నివారించడానికి సహాయపడతాయి.
కాకరకాయల్లో ఫైబర్ కంటెంట్ ఎక్కువగా ఉంటుంది కాబట్టి బరువు తగ్గడానికి కూడా వీటిని మీ డైట్ లో చేర్చుకోవచ్చు. 100 గ్రాముల కాకరకాయలో కేవలం 17 కేలరీలు మాత్రమే ఉంటాయి.
కాకరకాయలు మన గుండెను ఆరోగ్యంగా ఉండానికి కూడా సహాయపడతాయి. కాకరకాయ రక్తంలో కొలెస్ట్రాల్ స్థాయిలను తగ్గించడానికి, గుండె ఆరోగ్యాన్ని మెరుగుపర్చడానికి సహాయపడుతుంది.