హాయిగా నిద్రపోతే చాలు: 10 లక్షలు ఇస్తారు. మీకు ఈ జాబ్ కావాలా?

నిద్ర ఉత్పత్తులను తయారు చేసే కంపెనీ వేక్‌ఫిట్ ఒక స్లీప్ ఇంటర్న్‌షిప్‌ను ప్రకటించింది. ఇందులో భాగంగా రెండు నెలల పాటు నిద్రపోవడానికి మీకు రూ.10 లక్షలు చెల్లిస్తారు.

వేక్‌ఫిట్ అధికారిక వెబ్‌సైట్‌లో ఈ ఇంటర్న్‌షిప్ వివరాలను అందించారు. దరఖాస్తు చేసుకోవడానికి https://bit.ly/4fW31N7 లింక్‌ను సందర్శించండి.

ఈ ఉద్యోగంలో చేరితే మీరు చేయాల్సిందల్లా మంచం మీద పడుకుని నిద్రపోవడమేనని వేక్‌ఫిట్ తెలిపింది. అంటే మీ ఆఫీస్ మీ మంచమే. ఈ ఉద్యోగం రెండు నెలల పాటు మాత్రమే ఉంటుంది.

'మీరు స్ప్రెడ్‌షీట్‌ల కంటే బెడ్‌షీట్‌లను ఇష్టపడితే, డైలీ వర్క్ లో భాగంగా 9 గంటలు నిద్రపోవాలని అనుకుంటే, మీకోసం మా దగ్గర ఓ ఆఫర్ ఉంది' అని వేక్‌ఫిట్ తన ప్రకటనలో పేర్కొంది.

ఈ ఇంటర్న్‌షిప్‌కు ఎంపికైన ప్రతి ఒక్కరికి నెలకు రూ.లక్ష గ్యారెంటీడ్ స్టైపెండ్ లభిస్తుందని వేక్‌ఫిట్ తెలిపింది. స్లీప్ ఛాంపియన్‌గా నిలిచే అభ్యర్థి రూ.10 లక్షలు పొందవచ్చు. 

గ్రాడ్యుయేషన్ డిగ్రీ, దిండును సరిగ్గా ఉపయోగించడం, గొడవలు లేకుండా నిద్రపోవడం ఈ ఉద్యోగానికి అర్హతలు. నిద్రకు సాకులు వెతుక్కోవడం వంటి విషయాలు కూడా ఇంటర్వూలో అడుగుతారు. 

టీమ్ మీటింగ్‌లు, మ్యాచ్‌లు, సినిమాలు చూస్తున్నప్పుడు, ట్రాఫిక్‌లో నిద్రపోయేవారు, వారాంతాల్లో ప్లాన్ చేసుకుని నిద్రపోయేవారు కూడా ఈ ఉద్యోగానికి దరఖాస్తు చేసుకోవచ్చు.