Cleaning Hacks: ఐరన్ వస్తువుల తుప్పు, షూష్ మురికి వదలగొట్టే చిట్కా ఇది

మీ కత్తెర తుప్పు పట్టిందా? అయితే ఒక ఉల్లిపాయను తీసుకుని, అందులోకి కత్తెరను గుచ్చి పైకి, కిందికి కదపండి. ఇలా కొన్నిసార్లు చేస్తే చాలు.. కత్తెర తళతళా మెరిసిపోతుంది.

ట్యాప్‌పై నీటి మరకలు లేదా తుప్పు పట్టిందా? ఒక నిమ్మకాయను తీసుకుని, మధ్యలో కట్ చేసి, ఫోటోలో చూపినట్లుగా ట్యాప్‌కు తగిలించి బాగా రుద్దండి. కొద్దిసేపటికే మరకలు మాయమవుతాయి.

ఐరన్ బాక్స్ మాడిపోయిందా లేదా తుప్పు పట్టిందా? బేకింగ్ సోడాలో కొద్దిగా వెనిగర్ కలిపి పేస్ట్ లా చేయండి. ఈ పేస్ట్‌ను ఐరన్ బాక్స్ అడుగున పెట్టి రుద్దితే చాలు..మెరిసిపోతుంది.

మీ తెల్లటి షూస్ మురికిగా మారాయా? బేకింగ్ సోడా, ఏదైనా టూత్‌పేస్ట్ కలిపి షూస్‌పై రుద్దండి. ఇలా చేస్తే దుమ్ము, ధూళి మొత్తం పోయి మీ షూస్ తెల్లగా మెరిసిపోతాయి.