టమాటాలు గుత్తులు గుత్తులుగా కాయాలంటే ఇలా చేయండి చాలు!

టమాటా మొక్కకు కాయలు కాయాలంటే మంచి సూర్యరశ్మి అవసరం. రోజుకు కనీసం 6 నుంచి 8 గంటల పాటు నేరుగా ఎండ తగిలే ప్రదేశంలో మొక్కలను ఉంచాలి.

మొక్కకు సరైన సమయానికి నీరు పోయడం చాలా ముఖ్యం. మట్టి ఎప్పుడూ తేమగా ఉండాలి, కానీ నీరు నిలిచిపోకూడదు. ఉదయాన్నే నీళ్లు పోయడం మంచిది.

నీటిని నేరుగా మొక్క మొదట్లో పోయాలి. ఆకులు, కాండం మీద నీళ్లు పడితే ఫంగల్ ఇన్ఫెక్షన్లు వచ్చే ప్రమాదం ఉంటుంది.

మొక్క కొంచెం పెరగగానే, దానికి సపోర్ట్‌గా ఒక కర్రను పాతాలి. టమాటాల బరువుకు కొమ్మలు విరిగిపోకుండా, కాయలు నేలకు తగిలి కుళ్లిపోకుండా ఇది కాపాడుతుంది.

మొక్కను నాటేటప్పుడు మట్టి మిశ్రమంలో పశువుల ఎరువు లేదా కంపోస్ట్ కలపాలి. మొక్క పెరిగేకొద్దీ, ప్రతి 15 రోజులకు ఒకసారి వేరుశనగ పిండి, వేపపిండి, లేదా గంజి నీళ్లను పలచగా చేసి పోయాలి.

మొక్క అడుగు భాగంలో, నేలకు దగ్గరగా ఉన్న ఆకులను కత్తిరించాలి. దీనివల్ల మట్టి నుంచి వచ్చే ఫంగల్ ఇన్ఫెక్షన్లను నివారించవచ్చు.

టమాటా మొక్కలను ఆకుముడత, తెల్లదోమ ఎక్కువగా ఆశిస్తాయి. వీటి నివారణకు, వారానికి ఒకసారి వేపనూనె-వెల్లుల్లి మిశ్రమాన్ని చల్లాలి. ఇలా చేస్తే మొక్క బాగా పెరిగి ఎక్కువ కాయలు వస్తాయి.