కష్టపడాల్సిన పనిలేదు

కొబ్బరి బొండం కొనేటప్పుడు అందులో నీళ్లు ఎంత ఉన్నాయో తెలుసుకోవడానికి పెద్దగా కష్టపడక్కర్లేదు. ఈ కింద చెప్పే సింపుల్ టిప్స్ ఫాలో అయితే, మీరే స్మార్ట్‌గా మంచి కాయను ఎంచుకోవచ్చు.

కొబ్బరి బొండాన్ని చెవి దగ్గర పెట్టుకుని ఊపండి. లోపల నీళ్లు కదులుతున్న శబ్దం స్పష్టంగా వినిపిస్తే, అందులో నీళ్లు ఎక్కువగా ఉన్నాయని అర్థం.

చేతిలోకి తీసుకున్నప్పుడు, దాని సైజు కన్నా ఎక్కువ బరువుగా అనిపిస్తే, అందులో నీళ్లు ఎక్కువగా ఉన్నాయని అర్థం. తేలికగా ఉంటే, నీళ్లు తక్కువగా ఉండి లేత కొబ్బరి ఎక్కువగా ఉంటుంది.

ఎప్పుడూ పచ్చగా, గుండ్రంగా ఉన్న కొబ్బరి బొండాన్నే ఎంచుకోండి. బ్రౌన్ కలర్‌లోకి మారినవి లేదా ఆకారం మారిన కాయల్లో నీళ్లు ఇంకిపోయి, కొబ్బరి ఎక్కువగా ఉంటుంది.

కొబ్బరి బొండం పైభాగంలో నల్లటి మచ్చలు లేదా పగుళ్లు ఉంటే, అలాంటి కాయను అస్సలు తీసుకోవద్దు.

కొబ్బరి బొండం కొన్న తర్వాత ఎక్కువ రోజులు నిల్వ ఉంచొద్దు. ఇంటికి తెచ్చిన వెంటనే తాగేస్తేనే దాని రుచి, తాజాదనం బాగుంటాయి.