సోంపు మన ఆరోగ్యానికే కాదు నోటి దుర్వాసనను పోగొట్టడానికి కూడా ఎంతో సహాయపడుతుంది. అందుకే మీరు భోజనం చేసిన తర్వాత కొన్ని సోంపు గింజలను నమలండి. 
 

యాలకులు కూడా నోటి నుంచి చెడు వాసన రాకుండా చేస్తాయి. ఇందుకోసం భోజనం తర్వాత ఒకటి లేదా రెండు యాలకులను నోటిలో వేసుకుని నమలండి. 
 

లవంగాల్లో ఎన్నో ఔషదగుణాలుంటాయి. నోటి నుంచి చెడువాసన వస్తే మీరు భోజనం చేసిన తర్వాత లవంగాలను నమలండి. లవంగాల్లోని యాంటీసెప్టిక్ గుణాలు నోటి దుర్వాస కలిగించే బ్యాక్టీరియాను తొలగిస్తాయి
 

దాల్చిన చెక్క మన ఆరోగ్యానికి ఎంతో మేలు చేస్తుంది. దాల్చిన చెక్కలో యాంటీ బ్యాక్టీరియల్ లక్షణాలు కూడా ఉంటాయి. నోటి దుర్వాసను పోగొట్టడానికి దాల్చిన చెక్క నీటితో నోటిని కడుక్కోవాలి. 
 

నిమ్మరసం కూడా నోటి దుర్వాసనను పోగొట్టడానికి సహాయపడుతుంది. ఇందుకోసం ఒక కప్పు గోరువెచ్చని నీటిలో నిమ్మరసం కలిపి నీటిలో మౌత్ వాష్ గా వాడండి. 
 

గ్రీన్ టీ తాగితే బరువు తగ్గడం నుంచి గుండె ఆరోగ్యంగా ఉండటం వరకు ఎన్నో ప్రయోజనాలు కలుగుతాయి. రోజూ గ్రీన్ టీ తాగడం వల్ల నోటి దుర్వాసన కూడా తగ్గుతుందని నిపుణులు అంటున్నారు. 
 

నీటిని ఎంత ఎక్కువగా తాగితే మన ఆరోగ్యం అంత బేషుగ్గా ఉంటుంది. మీకు తెలుసా? రోజంతా నీటిని పుష్కలంగా తాగితే నోటి దుర్వాసన కూడా రాదు.