Cleaning Tips: ఇంట్లో సాలీడు గూళ్లు కడుతున్నాయా? ఈ సింపుల్ టిప్స్‌తో..

కర్పూరం,  తులసి, లావెండర్, సిట్రోనెల్లా వంటి నూనెలతో సాలెపురుగులకు చెక్ పెట్టవచ్చు. కొన్ని నీళ్ళలో రెండు చుక్కల నూనె వేసి మూలలు, కిటికీలు, తలుపులకు స్ప్రే చేస్తే చాలు.

సాలెపురుగులను తరిమికొట్టడానికి వెనిగర్ ఉపయోగించవచ్చు. నీరు, వినెగర్ లను సమపాళ్లలో కలిపి సాలెపురుగులు కనిపించే ప్రాంతంలో స్ప్రే చేస్తే చాలు.

వెల్లుల్లి వాసన సాలెపురుగులకు నచ్చదు. కాబట్టి సాలెపురుగులు వచ్చే చోట వెల్లుల్లి స్ప్రే చేయండి.

సిట్రస్ పండ్ల వాసనతో  సాలీడులను తరిమికొట్టవచ్చు. నీరు, నిమ్మ లేదా నారింజ తొక్కలను కలిపి స్ప్రే తయారుచేయండి. ఈ స్ప్రేను సాలెపురుగులు కనిపించే ప్రాంతంలో స్ప్రే చేస్తే చాలు. 

పుదీనా, రోజ్‌మేరీ, లావెండర్ వంటి మొక్కల వాసన సాలెపురుగులకు నచ్చదు. ఈ మొక్కల వాసన సాలెపురుగులకు వికర్షకంగా పనిచేస్తుంది, వాటిని ఇంట్లో లేదా చుట్టుపక్కల రాకుండా చేస్తుంది.

ఇంట్లో శుభ్రంగా ఉంచుకోవడం చాలా ముఖ్యం. లేకపోతే.. కీటకాలు, చీడపీడలు వచ్చే అవకాశం ఉంది. అందుకే ఇంటిని క్రమంగా శుభ్రం చేస్తూ.. చెత్తను వెంటనే పారవేయాలి.  

సాలెపురుగులను తరిమికొట్టడానికి పిప్పరమింట్ ఆయిల్ ను కూడా ఉపయోగించవచ్చు.  పిప్పరమింట్ ఆయిల్ ను పిచికారీ చేస్తే  ఆ వాసనకు సాలెపురుగులు దరిచేరవు